ఆకాశవాణి చరిత్రలో ఒక సరికొత్త రికార్డు ఆయన సృష్టించారు
Andhra Pradesh Telugu | Suryaa Desk | Published : Mon, Aug 21, 2023, 12:25 PM
వీణ వాదనంతో పాటు మృదంగా వాద్యంలోనూ ప్రవేశం చేసి సంగీతంలో ఒక నూతన ఒరవడిని సృష్టించిన ప్రతిభాశాలి బాలచంద్రన్ అని సంగీత విధ్వాంసుడు మోదుమూడి సుధాకర్ కొనియాడారు. ఆకాశవాణిలో ‘ఏ గ్రేడ్’ కళాకారుడిగా గుర్తింపు తెచ్చుకొన్న రమణ బాలచంద్రన్ ఆకాశవాణి చరిత్రలో ఒక సరికొత్త రికార్డు సృష్టించారని అయన అన్నారు. అలాంటి వ్యక్తి స్వరఝరి వేదికపై కచేరీ చేయడం భాగ్యంగా భావిస్తున్నామన్నారు. అనంతరం బాలచంద్రన్ ప్రదర్శించిన కచేరీలో ‘రాగ సుధారస - ఆందోళిక - త్యాగరాజస్వామి కీర్తన, మహనీయ నమస్సులివే-సుముఖం-బాలమురళీకృష్ణ కీర్తన, ఏ దారి సంచరింతు రా - శ్రుతి రంజని - త్యాగరాజస్వామి కీర్తన, వెడలెను కోదండపాణి -తోడి - త్యాగరాజస్వామి కీర్తన, కాపీ రాగంలో రాగం, తానం, పల్లవి, నిజగాదసా యదునందనే - జయదేవ అష్టపదిలు మధురాతి మధురంగా వినిపించి అలరించారు. వీరికి మృదంగ వాయిద్యంపై ఫల్గున్ సహకరించారు.
|
|