తల్లికి వందనం, మహిళలకి ఎంతో మేలు
Andhra Pradesh Telugu | Suryaa Desk | Published : Mon, Aug 21, 2023, 03:59 PM
మహిళల అభ్యున్నతే టీడీపీ లక్ష్యమని మాజీ ఎమ్మెల్యే కందుల నారాయణరెడ్డి సతీమణి వసంత అన్నారు. మార్కాపురం పట్టణంలోని 30వ వార్డులో ఆదివారం మహాశక్తి-భవిష్యత్తు గ్యారెంటీ కార్యక్రమం నిర్వహించారు. ఈ సందర్భంగా కందుల వసంత మాట్లాడుతూ ..... వైసీపీ ప్రభుత్వ హాయంలో రాష్ట్రంలో బాలిక అదృశ్యం కేసులు అధికమయ్యాయన్నారు. టీడీపీ అధినేత నారా చంద్రబాబు నాయుడు తోనే ఏపీలో సంక్షేమం, అభివృద్ధి సాధ్యమన్నారు. టీడీపీ ప్రభుత్వం ఏర్పడిన వెంటనే తల్లికి వందనం పథకంలో భాగంగా ఒక ఇంట్లో ఎంతమంది ఉంటే అంత మందికి ఒక్కొక్కరికీ రూ.15వేలు ఇవ్వనున్నట్లు తెలిపారు. ఆడబిడ్డ నిధి కింద 15 ఏళ్లు నిండిన ప్రతి మహిళకు నెలకు రూ.1500లు, దీపం పేరుతో ఏడాదికి 3 ఉచిత సిలెండర్లు ఇవ్వనున్నట్లు తెలిపారు. మహిళలకు ఆర్టీసీ బస్సులో ఉచితం ప్రయాణం, ప్రతి రైతుకు ఏటా రూ.20 వేలు ఆర్థిక సాయం అందజే యనున్నట్లు పేర్కొన్నారు. కార్యక్రమం లో టీడీపీ నియోజకవర్గ పోల్ మేనేజ్న్మెంట్ ఇన్చార్జ్ కందుల రామిరెడ్డి, వాణిజ్య విభాగం రాష్ట్ర అధ్యక్షుడు వక్కలగడ్డ మల్లికార్జున్, పట్టణ కమిటీ అధ్యక్షుడు షేక్ మౌలాలీ, ప్రధాన కార్యదర్శి కొప్పుల శ్రీనివాసులు, మైనార్టీ నాయకులు పఠాన్ ఇబ్రహిం, గులాబ్, గఫార్, మహిళా నాయకులు పోరుమామిళ్ల విజయ లక్ష్మి, చాబోలు పెద్దక్క, మల్లిక, చెన్నలక్ష్మి, తదితరులు పాల్గొన్నారు.
|
|