ఆసియా కప్ టీమ్ ,,,,తెలుగు ప్లేయర్‌కు ఛాన్స్

క్రికెట్ అభిమానులు ఎప్పుడెప్పుడా అని ఎదురు చూస్తున్న సమయం వచ్చింది. ఆసియాకప్‌-2023కు భారత జట్టును బీసీసీఐ ప్రకటించింది. ఈ మెగా ఈవెంట్‌కు 17 మంది సభ్యలతో కూడిన జట్టును అజిత్‌ అగార్కర్‌ నేతృత్వంలోని సెలక్షన్‌ కమిటీ ప్రకటించింది. గాయం కారణంగా జట్టుకు దూరంగా ఉంటున్న స్టార్‌ ఆటగాళ్లు కేఎల్‌ రాహుల్‌, అయ్యర్‌‌లకు ఆసియాకప్‌ కోసం ఎంపిక చేసిన జట్టులో చోటు కల్పించారు. అంతేకాకుండా ఇటీవలె అంతర్జాతీయ క్రికెట్‌లోకి అరంగేట్రం చేసిన తెలుగుకుర్రాడు తిలక్ వర్మను సైతం జట్టులోకి తీసుకున్నారు. ఇటీవల గాయం నుంచి కోలుకున్న ఐర్లాండ్ సిరీస్‌లో ఆడుతున్న ప్రసిద్ధ్ కృష్ణకు సైతం జట్టులో చోటు దక్కింది.

అయితే వికెట్‌ కీపర్‌ బ్యాటర్‌ సంజూ శాంసన్‌కు ప్రధాన జట్టులో చోటు దక్కలేదు. అతడిని స్టాండ్ బై ప్లేయర్‌గా ఎంపిక చేశారు. సోమవారం దిల్లీలో జరిగిన సెలక్షన్‌ కమిటీ సమావేశంలో ఈ మేరకు ఆసియా కప్‌లో పాల్గొనబోయే జట్టును ఖరారు చేశారు. ఈ ఏడాది ఆసియాకప్‌ శ్రీలంక, పాకిస్తాన్‌ల వేదికలుగా ఆసియా కప్ జరగనున్న విషయం తెలిసిందే. ఆగస్టు 30 పాకిస్థాన్-నేపాల్ మధ్య మ్యాచుతో టోర్నీకి తెరలేవనుంది. టీమిండియా తన తొలి మ్యాచులో శ్రీలంక వేదికగా సెప్టెంబర్ 2న పాకిస్థాన్‌తో తలపడనుంది.

రోహిత్ శర్మ(కెప్టెన్), శుభ్‌మన్ గిల్, విరాట్ కోహ్లీ, శ్రేయస్ అయ్యర్, సూర్యకుమార్ యాదవ్, తిలక్ వర్మ, కేఎల్ రాహుల్, ఇషాన్ కిషన్, హార్దిక్ పాండ్యా(వైస్ కెప్టెన్), రవీంద్ర జడేజా, శార్దుల్ ఠాకూర్, అక్షర్ పటేల్, కుల్‌దీప్ యాదవ్, జస్‌ప్రీత్ బుమ్రా, మహమ్మద్ షమీ, మహమ్మద్ సిరాజ్, ప్రసిద్ధ్ కృష్ణ