ట్రెండింగ్
ప్రమాదం నుండి బయటపడిన రైలు
Andhra Pradesh Telugu | Suryaa Desk | Published : Fri, Aug 25, 2023, 03:31 PM
తిరుపతి నుంచి ఆదిలాబాద్ వెళ్ళే కృష్ణా ఎక్స్ప్రెస్కు పెను ప్రమాదం తప్పింది. వెంకటగిరి సమీపంలో కృష్ణా ఎక్స్‌ప్రెస్ ఏసీ కోచ్‌లో ఒక్కసారిగా పొగలు వ్యాపించాయి. దీంతో ప్రయాణికులు తీవ్ర భయాందోళనకు గురయ్యారు. పొగలు వచ్చిన వెంటనే అప్రమత్తమైన ప్రయాణికులు చైన్ లాగి రైలును నిలిపివేశారు. రైల్వే సిబ్బంది వెంటనే పొగలు రాకుండా చర్యలు తీసుకున్నారు. ప్రయాణికుల అప్రమత్తతతో కృష్ణా ఎక్స్ప్రెస్కు భారీ ప్రమాదం తప్పినట్లైంది. 20 నిముషాలు పాటు ఆగడంతో కృష్ణా ఎక్స్‌ప్రెస్ ఆలస్యంగా బయలుదేరింది. ఎలాంటి ప్రమాదం జరగకపోవడంతో అంతా ఊపిరిపీల్చుకున్నారు.
|
|