ఏపీలో జిల్లాలవారీగా వైసీపీ నూతన అధ్యక్షులు

ఏపీలో జిల్లాలకు వైఎస్సార్‌సీపీ నూతన అధ్యక్షులతో పాటు, ఇతర కార్యవర్గ సభ్యులను నియమిస్తూ పార్టీ అధ్యక్షుడు జగన్మోహన్‌రెడ్డి నిర్ణయం తీసుకున్నారు. అన్ని జిల్లాలకు కొత్త కార్యవర్గాలను నియమిస్తూ వైఎస్సార్‌సీపీ కేంద్ర కార్యాలయం ఉత్తర్వులు జారీ చేసింది. అధ్యక్ష, కార్యదర్శులతో పాటు వైస్ ప్రెసిడెంట్లు, జనరల్ సెక్రటరీ సహా మొత్తం కార్యవర్గాన్ని ప్రకటించారు. పార్టీ అధినేత వైఎస్‌ జగన్‌మోహన్‌రెడ్డి ఆదేశాలతో నూతన నియామకాలను చేపట్టినట్లు ఆ పార్టీ కేంద్ర కార్యాలయం తెలిపింది.

అల్లూరి సీతారామరాజు జిల్లా అధ్యక్షురాలిగా ఎమ్మెల్యే కొట్టగుళ్లి భాగ్యలక్ష్మిని నియమించారు. పార్వతీపురం మన్యం జిల్లాకు శత్రుచర్ల పరీక్షిత్ రాజు, శ్రీకాకుళం జిల్లాకు ఎమ్మెల్యే ధర్మాన కృష్ణదాస్, విజయనగరం- జడ్పీ చైర్మన్ మజ్జి శ్రీనివాసరావు (చిన్న శ్రీను), అనకాపల్లి జిల్లా అధ్యక్షునిగా బొడ్డేడ ప్రసాద్‌, డాక్టర్ బీఆర్ అంబేద్కర్ కోనసీమ జిల్లా ఎమ్మెల్యే పొన్నాడ వెంకట సతీష్ కుమార్.. తూర్పు గోదావరి జిల్లాకు ఎమ్మెల్యే జక్కంపూడి రాజా, కాకినాడ జిల్లాకు ఎమ్మెల్యే కురసాల కన్నబాబును నియమించారు.

పశ్చిమ గోదావరి జిల్లాకు ఎమ్మెల్యే చెరుకువాడ శ్రీరంగనాథరాజు, ఏలూరు జిల్లా ఎమ్మెల్యే ఆళ్ల నాని, కృష్ణా జిల్లా ఎమ్మెల్యే పేర్ని నాని, ఎన్టీఆర్ జిల్లా ఎమ్మెల్యే వెల్లంపల్లి శ్రీనివాస్, గుంటూరు జిల్లా డొక్కా మాణిక్య వరప్రసాద్, పల్నాడు జిల్లా ఎమ్మెల్యే పిన్నెల్లి రామకృష్ణారెడ్డి, బాపట్ల ఎంపీ మోపిదేవి వెంకటరమణ, ప్రకాశం జిల్లా జంకె వెంకటరెడ్డి, నెల్లూరు జిల్లా ఎంపీ వేమిరెడ్డి ప్రభాకర్ రెడ్డి, చిత్తూరు జిల్లా ఎమ్మెల్సీ కేఆర్‌జే భరత్, తిరుపతి జిల్లా నేదురుమల్లి రామ్ కుమార్ రెడ్డి, అన్నమయ్య జిల్లా ఎమ్మెల్యే గడికోట శ్రీకాంత్ రెడ్డి, అనంతపురం జిల్లా పైల నరసింహయ్య, సత్యసాయి జిల్లా ఎమ్మెల్యే ఎం. శంకరనారాయణ, కడప జిల్లా మేయర్ కె.సురేష్ బాబు,

కర్నూలు జిల్లా మేయర్ బీవై. రామయ్య, నంద్యాల ఎమ్మెల్యే కాటసాని రామ్ భూపాల్ రెడ్డిలను అధ్యక్షులుగా నియమించారు.