జనసేనానికి గ్రాండ్గా బర్త్ డే విషెస్,,,,న్యూయార్క్ టైం స్క్వేర్పై పవన్ చిత్రాలు
Andhra Pradesh Telugu | Suryaa Desk | Published : Mon, Sep 04, 2023, 07:40 PM
జనసేన పార్టీ అధినేత పవన్ కళ్యాణ్ జన్మదినం సందర్భంగా ఆయనకు ఎన్నారై అభిమానులు మరిచిపోలేని రీతిలో విషెస్ తెలిపారు. అమెరికాలో మహానగరమైన న్యూయార్క్ సిటీలో ఉన్న టైం స్క్వేర్లో పవన్ కళ్యాణ్కు సంబంధించిన చిత్రమాలిక ప్రదర్శించి పవన్ కళ్యాణ్కు గ్రాండ్గా బర్త్డే శుభాకాంక్షలు తెలియజేశారు. పవర్ స్టార్ జన్మదిన సందర్భంగా అమెరికాలోని జన సైనికులు ఘనంగా వేడుకలు నిర్వహించారు. 150 అడుగుల ఎత్తు, 100 అడుగుల వెడల్పుతో ఉన్న టైం స్క్వేర్ వద్ద అతిపెద్ద స్క్రీన్పై ప్రదర్శించిన పవన్ కళ్యాణ్ చిత్రమాలికను ఎన్నారైలు వీక్షించారు. సెప్టెంబర్ 1 నుంచి సెప్టెంబర్ 2 వరకు ప్రతి 10 నిమిషాలకు ఒకసారి, 15 సెకండ్ల పాటు ఈ ప్రదర్శన సాగింది. పవర్ స్టార్ అభిమానులు కేక్ కట్ చేసుకుని బర్త్ డే సెలెబ్రేట్ చేసుకున్నారు.
ఈ సందర్బంగా నిర్వాహకులు టీమ్ జనసేన పార్టీ యూఎస్ఏ నాయకులు న్యూయార్క్ టైం స్క్వేర్ నుంచి పవర్ స్టార్కు జన్మదిన శుభాకాంక్షలు తెలిపారు. ఆంధ్ర రాష్ట్ర భవిష్యత్తుకు సరైన ప్రజా నాయకుడు పవన్ కళ్యాణ్ అని, తమ అభిమాన నటుడిని ముఖ్యమంత్రిని చేయడానికి తమ వంతు కృషి చేస్తామంటూ తమ అభిమానాన్ని వ్యక్తం చేశారు. ఇదిలా ఉంటే.. జనసేనాని బర్త్డేను ఆయన అభిమానులు, జనసైనికులు.. రెండు తెలుగు రాష్ట్రాల్లో ఘనంగా జరుపుకున్నారు. ముఖ్యంగా ఆంధ్రప్రదేశ్లో.. రక్తదాన శిభిరాలు, పేదలకు అన్నదానాలు, వికలాకులకు ట్రై సైకిళ్ల పంపిణీ, అనాథలకు బట్టల పంపిణీ లాంటి ఎన్నో సేవా కార్యక్రమాాలు నిర్వహించి.. తమ అభిమాన నటుడు, నేత మీద తమకున్న ప్రేమను చాటుకున్నారు.
|
|