ట్రెండింగ్
ఉదయనిధి స్టాలిన్ ‘సనాతన ధర్మం’ వ్యాఖ్యలపై ఆగ్రహజ్వాలలు
Andhra Pradesh Telugu | Suryaa Desk | Published : Tue, Sep 05, 2023, 02:35 PM
తమిళనాడు ముఖ్యమంత్రి ఎం.కె. స్టాలిన్ కుమారుడు, మంత్రి ఉదయనిధి స్టాలిన్ ‘సనాతన ధర్మం’పై చేసిన వ్యాఖ్యలు తీవ్ర దుమారం రేపుతున్నాయి. ఉదయనిధి స్టాలిన్‌కు వ్యతిరేకంగా దేశవ్యాప్తంగా నిరసనలు కొనసాగుతున్నాయి. హిందూ సంఘాల ప్రతినిధులతో పాటు పలువురు పీఠాధిపతులు, పండితులు మండిపడుతున్నారు. ఉదయనిధికి రాజకీయ జీవితం లేకుండా హిందువులంతా శపించాలని విశాఖ శారదా పీఠం పీఠాధిపతులు స్వరూపానందేంద్ర స్వామి అన్నారు. మైనారిటీ ఓట్ల కోసమే సనాతన ధర్మాన్ని కించపరిచేలా ఉదయనిధి స్టాలిన్ మాట్లాడారని, ఇది నీచమైన చర్య అని ఆయన అన్నారు. ‘నీ తల్లి దుర్గ ఆలయాలను దర్శించుకుంటుంది. ధర్మాన్ని విమర్శిస్తే నీ తల్లిని దూషించినట్లే. హిందూ సమాజానికి క్షమాపణ చెప్పాలి’ అని స్వరూపానందేంద్ర అన్నారు.
|
|