ట్రెండింగ్
పోలీసుల చేతికి చిక్కిన మావోయిస్టు
Andhra Pradesh Telugu | Suryaa Desk | Published : Sat, Sep 16, 2023, 02:39 PM
మావోయిస్టు పార్టీ స్పెషల్ జోనల్‌ కమిటీ సభ్యురాలు మూరవపల్లి రాజీ, అలియాస్‌ సరస్వతిని గురువారం అరెస్టు చేసినట్లు శ్రీసత్యసాయి జిల్లా ఎస్పీ మాధవ రెడ్డి తెలిపారు. శ్రీసత్యసాయి జిల్లా తనకల్లు మండలం సున్నంవారిపల్లికి చెందిన సరస్వతి 1995లో మావోయిస్టు పార్టీలో చేరినట్లు తెలిపారు. కొత్తచెరువు మండల కేంద్రంలో మావోయిస్టు సరస్వతి ఉన్నట్లు సమాచారం అందడంతో డీఎస్పీ వాసుదేవ్‌ ఆధ్వర్యంలో అదుపులోకి తీసుకున్నట్టు, రిమాండ్‌కు తరలిస్తున్నట్టు తెలిపారు. ఆమె భర్త మోహన్‌ ధనరాజ్‌ అలియాస్‌ సంజీవ్‌ దీపక్‌ రావును కూడా హైదరాబాద్‌లో పోలీసులు అదుపులోకి తీసుకున్నారని తెలిపారు.
|
|