ట్రెండింగ్
గురుకులంలో ప్రవేశానికి దరఖాస్తు ఆహ్వానం
Andhra Pradesh Telugu | Suryaa Desk | Published : Wed, Sep 20, 2023, 12:16 PM
ఉమ్మడి కర్నూలు జిల్లా, డోన్ పట్టణంలో నూతనగా నిర్మించబడిన డా.బీఆర్ అంబేడ్కర్ గురుకులం బాలుర పాఠశాలలో 6వ తరగతి ఇంగ్లీషు మీడియానికి దరఖాస్తు చేసుకోవాలని ఉమ్మడి కర్నూలు జిల్లా సమన్వయకర్త శ్రీదేవి మంగళవారం తెలిపారు. పాఠశాలలో మొత్తం 40 సీట్లకు రిజర్వేషన్ ప్రాతిపదికన ప్రవేశం కల్పించడం జరుగుతుందన్నారు. ఈ నెల 22వ తేదీలోపు దరఖాస్తులను డోన్ గురుకులం బాలుర పాఠశాలల్లో ఇవ్వాలని తెలిపారు. కర్నూలు, నంద్యాల జిల్లాలోని విద్యార్థులు దరఖాస్తు చేసుకోవచ్చన్నారు. ఈ నెల 24వ తేదీన కర్నూలు సమీపంలోని దిన్నెదేవరపాడు గురుకులం పాఠశాలల్లో ప్రవేశ పరీక్ష ఉంటుందని డోన్ ప్రిన్సిపాల్ వేణుగోపాల్రావు తెలిపారు. 5వ తరగతి పాఠ్యాంశాల నుంచి తెలుగు, ఆంగ్లం, గణితం, ఈవీఎస్ల నుంచి మొత్తం 50 మార్కులకు పరీక్ష ఉంటుందన్నారు.
|
|