చంద్రబాబుకి ఏం జరిగిన జగన్ దే బాధ్యత
Andhra Pradesh Telugu | Suryaa Desk | Published : Thu, Sep 21, 2023, 01:47 PM
రాజమండ్రి సెంట్రల్ జైలులోనే టీడీపీ అధినేత చంద్రబాబును హత్య చేసేందుకు కుట్ర చేస్తున్నారని నారా లోకేష్ ఆరోపించారు. ‘‘చంద్రబాబు గారిని సైకో జగన్ అక్రమ అరెస్ట్ చేయించింది, జైలులోనే అంతం చేసేందుకే అనే అనుమానాలు బలపడుతున్నాయి. ఆధారాలు లేని కేసులో అరెస్టు చేసి బెయిల్ రాకుండా రాజమండ్రి సెంట్రల్ జైల్లోనే చంపేందుకు ప్లాన్ చేస్తున్నారు. జెడ్ ప్లస్ భద్రతలో ఉన్న ప్రతిపక్షనేతకి జైలులో హాని తలపెట్టేలా సర్కారు కుట్ర సాగుతోంది. బాబు గారికి జైలులో భద్రత లేదు, విపరీతమైన దోమలు కుడుతున్నాయని చెప్పినా జైలు అధికారులు పట్టించుకోవడం లేదు. జైలులో రిమాండ్ ఖైదీగా ఉన్న రాజమండ్రి రూరల్ మండలం ధవళేశ్వరానికి చెందిన గంజేటి వీరవెంకట సత్యనారాయణ డెంగ్యూ బారినపడి మరణించాడు. బాబు గారికి ఇలాగే చేయాలని సైకో కుతంత్రాలు అమలు చేస్తున్నారు. చంద్రబాబు గారికి ఏం జరిగినా సైకో జగన్ దే బాధ్యత’’ అని నారా లోకేష్ ట్వీట్ చేశారు.
|
|