స్కిల్ కేసుపై ఉండవల్లి అరుణ్ కుమార్ పిల్,,,,నాట్ బీఫోర్ మీ అన్న హైకోర్టు న్యాయమూర్తి
Andhra Pradesh Telugu | Suryaa Desk | Published : Wed, Sep 27, 2023, 07:06 PM
మాజీ ముఖ్యమంత్రి చంద్రబాబు అరెస్టైన ఏపీ స్కిల్ డెవలప్ మెంట్ కేసు విచారణను సీబీఐకి అప్పగించాలని మాజీ ఎంపీ ఉండవల్లి అరుణ్ కుమార్ పిల్ దాఖలు చేసిన సంగతి తెలిసిందే. అయితే ఈ పిల్ను వేరే బెంచ్కు బదిలీ చేయాలని హైకోర్టు జస్టిస్ ధీరజ్సింగ్ ఠాకుర్, జస్టిస్ రఘునందన్రావుల ధర్మాసనం రిజిస్ట్రీని ఆదేశించింది. ఓ న్యాయమూర్తి నాట్ బీఫోర్ మీ అనడంతో వేరే బెంచ్కు బదిలీ చేయనున్నారు. ఏ బెంచ్ విచారించాలనేది హైకోర్టు రిజిస్ట్రీ నిర్ణయించనున్నారు. ఈ నెల 22న ఏపీ హైకోర్టులో స్కిల్ డెవలెప్మెంట్ కేసుపై మాజీ ఎంపీ ఉండవల్లి అరుణ్ కుమార్ పిల్ దాఖలు చేశారు. ఈ కేసును సీఐడీతో కాకుండా సీబీఐతో విచారణ చేయాలని కోరారు. ఇవాళ ఈ పిల్పై ఏపీ హైకోర్టులో విచారణకు రాగా.. న్యాయమూర్తి నాట్ బిఫోర్ మీ అన్నారు. దీనిపై ఒకటి రెండు రోజుల్లో స్పష్టత వచ్చే అవకాశం ఉంది.
స్కిల్ డెవలప్మెంట్ స్కామ్పై సమగ్ర దర్యాప్తు చేయాలని ఉండవల్లి పిల్లో కోరారు. ఈ స్కిల్ కేసులో ఉన్న సంక్లిష్టతతో పాటుగా హై ప్రొఫైల్ వ్యక్తులపై అభియోగాలు ఉన్న దృష్ట్యా.. ఈ కేసు విచారణను సీబీఐకి అప్పగించాలని ప్రధానంగా కోరారు. తన పిల్లో మొత్తం 44 మందిని ప్రతివాదులుగా చేర్చారు. చంద్రబాబు, అచ్చెన్నాయుడుతో పాటు సీబీఐ, ఈడీ, కేంద్ర, రాష్ట్ర ప్రభుత్వాలను ప్రతివాదులుగా పేర్కొన్నారు అరుణ్ కుమార్.
|
|