రేపు ఏమి జరగబోతుందో..?
Andhra Pradesh Telugu | Suryaa Desk | Published : Sun, Oct 08, 2023, 03:46 PM
తెలుగుదేశం అధినేత చంద్రబాబు పిటీషన్లపై సోమవారం సుప్రీంకోర్టు, హైకోర్టు, విజయవాడ ఏసీబీ కోర్టులలో తీర్పులు, విచారణ జరగనున్నాయి. అలాగే హై కోర్టులో చంద్రబాబు పిటీషన్లపై కూడా సోమవారం తీర్పు రానుంది. అంగాళ్లు, ఇన్నర్ రింగ్ రోడ్ అలైన్మెంట్ మార్పు కేసులో బెయిల్, ఏపీ ఫైబర్ గ్రిడ్ కేసులో ముందస్తు బెయిల్ పిటీషన్లపై హై కోర్టు తీర్పు ఇవ్వనుంది. ఇప్పటికే ఈ మూడు కేసుల్లో వాదనలు శుక్రవారం పూర్తి కావడంతో న్యాయమూర్తి తీర్పును సోమవారానికి వాయిదా వేశారు. అలానే సోమవారమే సుప్రీం కోర్టులో చంద్రబాబు స్కిల్ డెవలప్మెంట్ కేసులో దాఖలు చేసిన స్పెషల్ లీవ్ పిటీషన్పై విచారణ జరగనుంది. అలాగే విజయవాడ ఏసీబీ కోర్టులో చంద్రబాబు స్కిల్ కేసులో బెయిల్, కస్టడీ పిటీషన్లపై తీర్పు వెలువడనుంది. ఈ పిటీషన్లపై ఇప్పటికే వాదనలు పూర్తయ్యాయి. కాగా హైకోర్టు, ఏసీబీ కోర్టులో చంద్రబాబు బెయిల్, ముందస్తు బెయిల్, కస్టడీ పిటీషన్లపై సుదీర్ఘ వాదనలు జరిగాయి. కాగా రేపు సుప్రీంకోర్టులో చంద్రబాబు స్పెషల్ లీవ్ ఫిటిషన్పై మరోసారి విచారణ జరగనుంది.
|
|