అన్ని ప్రోగ్రామ్స్‌కు బ్రేక్..జనసేనాని పవన్ కళ్యాణ్‌కు వైరల్ ఫీవర్..
Andhra Pradesh Telugu | Suryaa Desk | Published : Tue, Oct 10, 2023, 06:22 PM
జనసేన అధినేత పవన్ కళ్యాణ్ వైరల్ ఫీవర్‌తో బాధపడుతున్నారు. జ్వరంతో పాటు జలుబు, దగ్గుతో ఇబ్బంది పడుతున్నట్టు సమాచారం. దీంతో.. రేపు జరగాల్సిన జనసేన విస్తృత స్థాయి సమావేశాన్ని పార్టీ వర్గాలు రద్దు చేశాయి. వచ్చే ఎన్నికల్లో పొత్తు ప్రకటించిన నేపథ్యంలో... టీడీపీతో కలిసి క్షేత్ర స్థాయిలో వెళ్లే అంశంపై పార్టీ నేతలకు రేపటి మీటింగ్‌లో పవన్ కల్యాణ్ దిశా నిర్దేశం చేయాల్సి ఉంది. కాగా.. వైరల్ ఫీవర్ నేపథ్యంలో ఈ సమావేశాని వాయిదా వేస్తున్నట్టు జనసేన ప్రకటించింది. తదుపరి తేదీని త్వరలోనే ప్రకటిస్తామని పేర్కొంది. ఇదిలా ఉంటే.. తెలంగాణ సీఎం కేసీఆర్‌ కూడా గత కొంత కాలంగా వైరల్ ఫీవర్‌తో బాధపడుతున్నారు.
మరోవైపు.. పవన్ కళ్యాణ్ తన వారాహి విజయ యాత్రకు లాంగ్ బ్రేక్ ప్రకటించారు. వరుణ్ తేజ్, లావణ్య త్రిపాఠి పెళ్లి నేపథ్యంలో.. పవన్ యాత్రకు లాంగ్ బ్రేక్ ఇచ్చారు. వరుణ్ తేజ్ పెళ్లి ఇటలీలో అంగరంగ వైభవంగా నిర్వహించనున్న నేపథ్యంలో.. పవన్ తన ఫ్యామిలీతో కలిసి అక్టోబర్ 17న ఫారిన్‌కు పయనం కానున్నట్టు తెలుస్తోంది. పెళ్లి వేడుక ముగిసిన తర్వాత మళ్లీ 26న తిరిగి రానున్నట్టు సమాచారం. కాగా.. ఫారిన్‌కు వెళ్లే ముందే.. పార్టీ కార్యక్రమాలు అన్ని చక్కబెట్టాలని బిజీ షెడ్యూల్ వేసుకున్న పవన్‌కు.. సడెన్‌గా వైరల్ ఫీవర్ రావటంతో.. అన్ని కార్యక్రమాలు వాయిదా పడే అవకాశం ఉంది.
|
|