గాజువాకలో ఫుడ్ పాయిజన్ జరిగింది,,,,13మంది యువకులకు అస్వస్థత
Andhra Pradesh Telugu | Suryaa Desk | Published : Wed, Oct 11, 2023, 08:25 PM
విశాఖ గాజువాక పోలీస్ స్టేషన్ పరిధిలో ని హోటల్ ఫుడ్ తిని యువకులు అస్వస్థతకు గురయ్యారు. పశ్చిమ నియోజకవర్గం 58వ వార్డు పరిధి ములగాడకు చెందిన యువకులు మండి క్రూడ్‌లో ఆదివారం రాత్రి భోజనం చేసి ఇంటికి వచ్చారు. సోమవారం వేకువ జామున 3 గంటల ప్రాంతంలో వాంతులు, వీరేచనాలు మొదలయ్యాయి. వెంటనే కుటుంబ సభ్యులు వైద్యం కోసం నగరంలోని కేజీహెచ్‌కు తరలించారు. అక్కడ చికిత్స తర్వాత ఇంటికి తీసుకువచ్చిన తర్వాత మళ్లీ వాంతులు విరేచనాలు అయ్యాయి. హుటాహుటిన సమీపంలోని ప్రైవేట్ ఆస్పత్రిలో చేర్చారు. ఆదివారం రాత్రి మొత్త 13మంది పార్టీ చేసుకుందామని ఆ హోటల్‌కు వెళ్లారని బంధువులు తెలిపారు. అక్కడ భోజనం చేసి తిరిగి ఇంటికి వచ్చాక తెల్లవారుజాము నుంచి వాంతులు, వీరేచనాలతో బాధపడ్డారని వెంటనే ఆస్పత్రికి తీసుకొచ్చామన్నారు. హోటల్‌లో ఫుడ్ తినడం వల్లే అనారోగ్యం పాలయ్యారన్నారు. ఈ విషయం తెలియడంతో అధికారులు అప్రమత్తం అయ్యారు.. యువకులు ఫుడ్ తిన్న హోటల్‌కు సంబంధించిన వివరాలు సేకరించే పనిలో ఉన్నారు. అలాగే బాధితుల నుంచి వివరాలు సేకరిస్తున్నారు. ఈ వ్యవహారానికి సంబంధించి పూర్తి వివరాలు తెలియాల్సి ఉంది.
|
|