పురిటి నొప్పలుతో రైల్లోనే ప్రసవించిన మహిళ,,,నెలలు నిండకుండానే మగ బిడ్డకు జన్మ
Andhra Pradesh Telugu | Suryaa Desk | Published : Fri, Oct 13, 2023, 06:54 PM
పశ్చిమగోదావరి జిల్లా తాడేపల్లిగూడెంలో మహిళ రైల్లోనే ప్రసవించింది. ఎర్నాకులం–హతియా ఎక్స్‌ప్రెస్‌ బీ 13 బోగీలో సూపర్‌ఫాస్టు ఎక్స్‌ప్రెస్‌లో రష్మిక అనే మహిళ ప్రయాణిస్తున్నారు. ఆమె పురిటి నొప్పులు మొదలయ్యాయి.. వెంటనే ఈ విషయాన్ని ఆమె భర్తకు చెప్పింది. రైలుకు తాడేపల్లిగూడెంలో హాల్టు లేకపోవడంతో.. మహిళ విషయాన్ని తెలుసుకున్న రైల్వే సిబ్బంది రైలును గూడెంలో ఆపడానికి ఆదేశాలు ఇచ్చారు. వెంటనే సమాచారాన్ని 108 అంబులెన్సుకు అందించారు. అలా రైలు స్టేషన్‌లో ఆగుతున్న సమయంలో 108 సిబ్బంది స్టేషన్‌కు అంబులెన్సులో అక్కడికి చేరుకున్నారు. రైలు స్టేషన్‌ దాటి శివాలయం ప్రాంతంలో ఆగింది. వెంటనే సమాచారం 108 సిబ్బంది అంబులెన్సును శివాలయం ప్రాంతానికి తీసుకెళ్లారు. బోగీలో ఉన్న మహిళకు వైద్య సాయం అందిస్తున్న సమయంలో డెలివరీ కావడంతో వెంటనే వైద్య సాయం అందజేశారు. ఏడో నెలలో రష్మిక బిడ్డకు జన్మనివ్వడం, బిడ్డ బరువు కిలోకు మించి లేకపోవడంతో తల్లీబిడ్డను అంబులెన్స్‌లో తాడేపల్లిగూడెం ఏరియా ఆసుపత్రికి తరలించారు. ఆసుపత్రిలో ప్రాథమిక చికిత్స అందించిన అనంతరం మెరుగైన చికిత్స కోసం ఏలూరుకు తరలించారు.
|
|