ట్రెండింగ్
నేడు విచారణకి రానున్న చంద్రబాబు పలు కేసులు
Andhra Pradesh Telugu | Suryaa Desk | Published : Tue, Oct 17, 2023, 10:06 AM
స్కిల్ డెవల్పమెంట్ కేసులో టీడీపీ అధినేత చంద్రబాబు దాఖలుచేసిన క్వాష్ పిటిషన్.. అలాగే ఫైబర్నెట్ కేసులో వేసిన ముందస్తు బెయిల్ పిటిషన్పై సుప్రీంకోర్టులో మంగళవారం అనగా నేడు విచారణ జరుగనుంది. జస్టిస్ అనిరుద్ధ బోస్, జస్టిస్ బేలా ఎం.త్రివేదితో కూడిన ద్విసభ్య ధర్మాసనం ముందు ఏపీ ప్రభుత్వం తరఫు సీనియర్ న్యాయవాది ముకుల్ రోహత్గీ, బాబు తరఫు సీనియర్ న్యాయవాది హరీశ్ సాల్వే వాదనలు వినిపించనున్నారు. మంగళవారమే వాదనలు ముగుస్తాయని తెలుస్తోంది. కోర్టు వెంటనే తీర్పు వెలువరిస్తుందా... లేక మరో తేదీకి వాయిదా వేస్తుందా అనేదానిపై న్యాయనిపుణుల మధ్య భిన్నాభిప్రాయాలు వ్యక్తమవుతున్నాయి. 20వ తేదీ తర్వాత సుప్రీంకోర్టుకు దసరా సెలవులు. ఆ దృష్ట్యా ఈలోపే కోర్టు తీర్పు రావచ్చని అంటున్నారు.
|
|