ట్రెండింగ్
చంద్రబాబు కోసం ప్రత్యేక పూజలు నిర్వహించిన టీడీపీ నేతలు
Andhra Pradesh Telugu | Suryaa Desk | Published : Sun, Oct 22, 2023, 01:13 PM
రాజమహేంద్రవరం జైలులో ఉన్న టీడీపీ అధినేత చంద్రబాబుకు స్వల్పంగా అనారోగ్యం బారిన పడిన సంగతి తెలిసిందే. ఈ నేపథ్యంలో ఆయనకి సంపూర్ణ ఆరోగ్యాన్ని ప్రసాదించాలని విజయనగరం జిల్లా వ్యాప్తంగా టీడీపీ శ్రేణులు పూజలు నిర్వహిస్తూ కొబ్బరి కాయలు కొట్టారు. టీడీపీ పొలిట్‌ బ్యూరో సభ్యుడు అశోక్‌ గజపతిరాజు ఆధ్వర్యంలో పాత సిటీ బస్టాండ్‌ రోడ్డులో ఉన్న వినాయక, దుర్గాదేవి, కాశీవిశ్వేర స్వామి ఆలయాల్లో శనివారం ప్రత్యేక పూజలు చేశారు.అలానే నెల్లిమర్లలో వెంకటేశ్వర స్వామి, దుర్గాదేవి ఆలయాల్లో నియోజకవర్గ టీడీపీ ఇన్‌చార్జి కర్రోతు బంగారురాజు సూచనల మేరకు టీడీపీ జిల్లా మహిళా అధ్యక్షురాలు సువ్వాడ వనజాక్షి ఆధ్వర్యంలో పూజలు నిర్వహించారు. రాజాం నియోజకవర్గ టీడీపీ ఇన్‌చార్జి కోండ్రు మురళీమోహన్‌ ఆదేశాల మేరకు రాజాంలోని పార్టీ కార్యాలయం వద్ద నాయకులు రిలే నిరాహర దీక్ష చేపట్టారు.
|
|