ట్రెండింగ్
రోడ్డు ప్రమాదంలో యువకుడు మృతి
Andhra Pradesh Telugu | Suryaa Desk | Published : Sun, Oct 22, 2023, 01:20 PM
ప్రకాశం జిల్లా, మార్కాపురం మండలంలోని దరిమడుగు సమీపంలో రోడ్డు ప్రమాదం చోటుచేసుకుంది. వివరాల్లోకి వెళ్ళితే.... ... దొనకొండ మండలం రుద్రసముద్రానికి చెందిన వల్లెం హరిబాబు(21) మోటార్‌సైకిల్‌పై మార్కాపురం నుంచి దోర్నాల వైపు వెళుతున్నాడు. ఈ ద్విచక్రవాహనంపై వెనుకవైపున ఉపాధ్యాయుడు సాయిరాజేశ్వరరావు కూర్చొని ఉన్నాడు. ఈ క్రమంలోనే ఎదురుగా మాచర్ల నుంచి మార్కాపురానికి వస్తున్న ఆర్టీసీ బస్సు ద్విచక్ర వాహనాన్ని ఢీ కొట్టింది. దీంతో హరిబాబు, సాయి రాజేశ్వరరావుకు తీవ్రగాయాలయ్యాయి. 108 వాహనంలో వీరిని మార్కాపురం ప్రభుత్వ వైద్యశాలకు తరలించారు. చికిత్స పొందుతూ హరిబాబు మృతిచెందాడు. సాయిరాజేశ్వరరావును మెరుగైన వైద్యం కోసం ఒంగోలు రిమ్స్‌కు తరలించారు.
|
|