మేం మూడేళ్లగా అదే చెబుతున్నాం కదా.. ఇప్పుడు జరుగుతోంది అదే: మంత్రి అంబటి

నారా లోకేష్‌ల సమావేశంపై సెటైర్లు పేల్చారు. పవన్‌ కళ్యాణ్‌ ఎప్పుడూ చంద్రబాబు కోసమే పనిచేశారని.. ప్యాకేజ్‌ స్టార్‌ అని పవన్‌ మరోసారి నిరూపించుకున్నారన ఎద్దేవా చేశారు. సున్నా సున్నా కలిస్తే ఫలితం సున్నా అంటూ వ్యంగ్యాస్త్రాలు సంధించారు. పవన్ కళ్యాణ్, లోకేష్‌ల సమావేశంతో ఏం లాభమని ప్రశ్నించారు. చంద్రబాబుకి మనోధైర్యం ఇవ్వడానికి రాజమండ్రి వెళ్లాను అని పవన్ చెబుతున్నారని.. లోకేష్ పల్లకి మోయడం కోసం పని చేస్తున్నారన్నారు. అసలు టీడీపీ, జనసేన మీటింగ్‌లో ఏదైనా విషయం ఉందా..? బలహీన పడ్డ టీడీపీని బలోపేతం కోసం కలిశానని పవన్ కళ్యాణ్ చెబుతున్నారన్నారు. కానీ ప్రజలు ఈ కలయికని హర్షించరన్నారు.

చంద్రబాబు కి బెయిల్ రానివ్వడం లేదని పవన్ కళ్యాణ్ మాట్లాడుతున్నారని.. బెయిల్ ఇవ్వాల్సింది కోర్టులు కదా అన్నారు పవన్ ఆ విషయం తెలుసుకోవాలన్నారు. ఎప్పటి నుండో వీళ్ళు కలిసే వస్తారని చెప్తూనే ఉన్నామని.. తాము చెప్పిందే ఇప్పుడు జరుగుతుందన్నారు. ముద్రగడని హింసించినప్పుడు, అరెస్ట్‌ చేసినప్పుడు ఎందుకు స్పందించలేదని.. అందుకే పవన్ కళ్యాణ్ ప్యాకేజి స్టార్ అని చెప్తున్నామన్నారు. లోకేష్ అమిత్ షా ని కలవడానికి పదే పదే ప్రాధేయపడ్డారని.. కానీ నిన్నటి వరకు లోకేష్ ఎన్ని అబద్దాలు చెప్పారన్నారు. కిషన్‌రెడ్డి ప్రకటనతో లోకేష్ చెప్పినవన్నీ తప్పులని తేలిందని.. పురందేశ్వరి తప్పుడు విధానాలు కూడా ఇప్పుడు తేటతెల్లం అయ్యాయన్నారు.

చంద్రబాబు ఉత్తరంలో జైలులో లేను.. ప్రజల్లో ఉన్నాను అంటున్నారని.. తెలుగు రాష్ట్రానికి తెగులు తెలుగుదేశం పార్టీనే అన్నారు. ఇప్పుడు ఆ తెగులు పవన్ కళ్యాణ్‌కి కూడా పట్టుకుందని.. అక్రమంగా 45 రోజులు జైలులో పెట్టడం సాధ్యమా..? అన్నారు. చంద్రబాబు బయట ఉంటే సాక్షులను ప్రభావితం చేస్తారని.. గతంలో ఓటుకు నోట్లు కేసులో చూశామన్నారు. ఏ వ్యవస్థని అయినా మేనేజ్ చేసేది చంద్రబాబేనని.. ఇన్నాళ్లు వ్యవస్థలను మేనేజ్ చేసే చంద్రబాబు తప్పించుకున్నారన్నారు. కానీ ఇప్పుడు చంద్రబాబు వల్ల అది సాధ్యం కాదని.. చంద్రబాబు దొరికిన దొంగన్నారు. ఆఖరికి ఆయన ఉన్న ఇల్లు కూడా అక్రమ మార్గంలో పొందినదే అన్నారు. టీడీపీ, జనసేనల మేనిఫెస్టో ఎలా ఉంటుందో చూడాలన్నారు.

టీడీపీ కోసమే పుట్టిన పార్టీ జనసేన అని మంత్రి అంబటి విమర్శించారు. పవన్‌కు సొంత ఆలోచనా విధానమే లేదన్నారు. మూడేళ్ళ కిందటే చంద్రబాబు పల్లకిని పవన్ కళ్యాణ్ మోస్తారని చెప్పామన్నారు. ఎంత మంది కలిసినా జగన్ ప్రభుత్వాన్ని ఎవరూ ఏమీ చేయలేరన్నారు. వీరి మేనిఫెస్టో రాష్ట్రాన్ని కాపాడే విధంగా ఉంటుందో, టీడీపీని కాపాడే విధంగా ఉంటుందో చూద్దామన్నారు. జైల్లో ఉండే ప్రతి వాడు ప్రజల గుండెల్లో ఉండరన్నారు. బయటకు వస్తే సాక్ష్యాధారాలు బయటపడతాయనే చంద్రబాబును రిమాండ్‌లో ఉంచారన్నారు. వ్యవస్థలను మేనేజ్ చేయటం కోసమే 17ఏ మీద పోరాడుతున్నారన్నారు. చంద్రబాబు లోపల ఊసలు లెక్క పెట్టుకోవటం, బయట లోకేష్ రోజులు లెక్క పెట్టుకోక తప్పదన్నారు.