సినిమా స్టంట్లా,,ఫ్లై ఓవర్పై స్తంభాన్ని ఢీకొట్టి గాలిలో వేలాడిన లారీ
Andhra Pradesh Telugu | Suryaa Desk | Published : Thu, Nov 09, 2023, 06:05 PM
శ్రీకాకుళం జిల్లా నరసన్నపేట సమీపంలో రోడ్డు ప్రమాదం జరిగింది. జమ్ము జంక్షన్ దగ్గర ఫ్లై ఓవర్ పై వెళ్తున్న కంటైనర్ అదుపుతప్పి విద్యుత్ స్తంభాన్ని ఢీ కొట్టింది. కోల్కతా నుంచి విశాఖ వైపు వెళ్తున్న సమయంలో ఘటన జరిగింది. లారీ ముందు భాగం ఫ్లై ఓవర్ పై నుంచి కిందకు వేలాడుతూ మధ్యలో ఆగిపోయింది. కంటైనర్ ఫ్లై ఓవర్ నుంచి కిందకు జారి పడకపోవటంతో పెద్ద ప్రమాదం తప్పింది. రోజూ రద్దీగా ఉండే హైవేపై లారీ ప్రమాదాన్ని చూసిన స్థానికులు అవాక్కయ్యారు. కంటైనర్ ముందు భాగం ధ్వంసమైంది.
ఈ సంఘటన జరిగిన సమయంలో ఎదురుగా వాహనాలు రాకపోవడంతో పెను ప్రమాదం తప్పింది. వంతెన కింద కూడా ఎవరూ లేకపోవడంతో అందరూ ఊపిరి పీల్చుకున్నారు. సమాచారం అందుకున్న పోలీసులు వెంటనే అక్కడికి చేరుకుని వాహనాన్ని అక్కడి నుంచి తరలించారు. లారీ రక్షణ గోడ దాటుకుని కింద పడితే మాత్రం పెను ప్రమాదమే జరిగేదని ప్రత్యక్ష సాక్షులు చెబుతున్నారు.ఈ ప్రమాద తీవ్రతకు ఫ్లై ఓవర్ గోడకు ఉన్న సిమెంట్ పలకలు విరిగిపడ్డాయి.
|
|