ఫిలిప్పీన్స్లో భారీ భూకంపం.. రిక్టర్ స్కేల్పై 6.9గా నమోదు
international | Suryaa Desk | Published : Fri, Nov 17, 2023, 11:28 PM
ఫిలిప్పీన్స్లో శుక్రవారం భారీ భూకంపం సంభవించింది. దక్షిణ ఫిలిప్పిన్స్ మిందానో ప్రాంతంలో రిక్టర్ స్కేల్పై 6.9 తీవ్రతతో భూకంపం సంభవించినట్టు జర్మనీ రిసెర్చ్ సెంటర్ ఫర్ జియోసైన్సెస్ తెలిపింది. భూకంప కేంద్రం 10 కిలోమీటర్ల లోతులో ఉందని పేర్కొంది. అయితే, పసిఫిక్ సునామీ హెచ్చరికల కేంద్రం మాత్రం సునామీ వచ్చే అవకాశం లేదని, భూకంప నష్టం గురించి తక్షణ నివేదికలు అందలేదని చెప్పింది. భూకంపం కారణంగా ప్రాణ, ఆస్తినష్టం గురించి సమాచారం అందాల్సి ఉంది.
కొన్ని సెకన్ల పాటు భూకంపం కొనసాగిందని, అనంతర ప్రకంపనలు, నష్టం గురించి అప్రమత్తంగా ఉండాలని ప్రజలకు ఫిలిప్పీన్స్ సిస్మాలజీ ఏజెన్సీ సూచించింది. దక్షిణ కోటాబాటోలోని జనరల్ శాంటోస్ నగరానికి చెందిన రేడియో అనౌన్సర్ లెనీ అరనెగో మాట్లాడుతూ.. బలమైన భూకంపంతో గోడలు దెబ్బతిన్నాయని, డెస్క్లపై నుంచి కొన్ని కంప్యూటర్లు కింద పడిపోయాయనని అన్నారు. గోడలకు పగుళ్లు, కంప్యూటర్ల కిందపడటం వంటివి చోటుచేసుకున్నట్టు చెప్పారు.
జనరల్ శాంటాస్ సిటీ విమానాశ్రయంలోని ప్రయాణికులను టార్మాక్కు తరలించారని భూకంపం సంభవించినప్పుడు మనీలాకు విమానం ఎక్కబోతున్న మైఖేల్ రికాఫోర్ట్ అనే వ్యక్తి తెలిపారు. భూకంప కార్యకలాపాలకు అవకాశం ఉన్న పసిఫిక్ మహాసముద్రం చుట్టూ ప్రదక్షిణ చేసే అగ్నిపర్వతాల బెల్ట్ ‘రింగ్ ఆఫ్ ఫైర్’పై ఫిలిప్పీన్స్ ఉంది.
|
|