ఆ షాంపు వాడితే జుట్టు రాలిపోయిందట.. మహిళ ప్రాణాల మీదకు తెచ్చిన గొడవ
Andhra Pradesh Telugu | Suryaa Desk | Published : Mon, Nov 27, 2023, 07:12 PM
కాకినాడలో ఓ వృద్ధురాలిపై యువకుడు చాకుతో దాడిచేసిన ఘటన కలకలంరేపింది. షాంపు విషయంలో వివాదం రేగగా.. ఆ వ్యవహారం హత్యాయత్నం వరకు వెళ్లింది. గాంధీనగర్‌ వెంకటనారాయణవీధికి చెందిన చెల్లంచెర్ల సత్యవతి ఇటీవల ఓ జనరిక్‌ మందుల షాపులో షాంపూ కొనుగోలు చేశారు. అది ఉపయోగించన తర్వాత జుట్టంతా రాలిపోయిందని ఆ షాపులో పనిచేస్తున్న యువకుడు వెంకటేష్‌ను ఆమె దూషించారు. ఆమె తనను దుర్భాషలాడటంతో కోపం పెంచుకున్నాడు.
మహిళన చంపేయాలని నిర్ణయించుకున్నాడు.. ఆదివారం ఆమె ఇంటి దగ్గరకు వెళ్లారు. ఆ పక్కనే ఉన్న ఓ షాపులో రూ.30 చాకు కొన్నాడు. ఇంట్లో ఒంటరిగా ఉన్న సమయంలో వెళ్లి పలుచోట్ చాకుతో పొడిచాడు. ఇంతలో చాకు విరిగిపోవడంతో అక్కడి నుంచి వెళ్లిపోయాడు. ఆమె ఆసుపత్రిలో చికిత్స పొందుతున్నారని ప్రాణాపాయం లేదని పోలీసులు తెలిపారు. టూటౌన్ పోలీసులు హత్యాయత్నం కింద కేసు నమోదు చేసి నిందితుడిని అరెస్ట్ చేశారు. తొలుత ప్రచారం జరిగినట్లు బంగారు గొలుసు కోసం ఈ దాడి చేయలేదని తెలిపారు. పెనుగులాటలో ఆమె బంగారు గొలుసు ఘటనా స్థలంలోనే కింద పడిపోయి అక్కడే ఉంది.
|
|