మాజీ జేడీ లక్ష్మినారాణయకు బీజేపీ 1000 కోట్లు ఇచ్చింది,,, కేఏ పాల్
Andhra Pradesh Telugu | Suryaa Desk | Published : Wed, Dec 20, 2023, 08:25 PM
ప్రజాశాంతి పార్టీ అధ్యక్షుడు కేఏ పాల్ మరోసారి సంచలన వ్యాఖ్యలు చేశారు. ఢిల్లీలో ఉన్న కేఏ పాల్.. ప్రధానమంత్రి నరేంద్ర మోదీ సికింద్రాబాద్ లేదా మల్కాజిగిరి నుంచి పార్లమెంట్‌కు పోటీ చేసే అవకాశం ఉందని తెలుస్తోందన్నారు. అయితే.. తెలుగు ప్రజల సత్తా చాటేందుకు మోదీపై పోటీ చేసి.. చిత్తుచిత్తుగా ఓడిస్తానని కీలక కామెంట్స్ చేశారు. తెలంగాణలో కాంగ్రెస్ సర్కారు ఇచ్చిన ఆరు గ్యారంటీలకు తనది గ్యారెంటీ అని చెప్పుకొచ్చారు. తనలాంటి వ్యక్తికి పార్లమెంటుకు వెళ్లే అవకాశం ఇవ్వాలని ప్రజలకు విజ్ఞప్తి చేశారు కేఏ పాల్. కేంద్ర, రాష్ట్ర ప్రభుత్వాలు చేసిన అప్పులు.. తాను తప్ప వేరే ఎవరు తీర్చలేరని కేఏ పాల్ తెలిపారు. కనీసం వడ్డీలు కూడా కట్టలేరని.. సాకులతోనే కాలం గడిపేస్తారంటూ చెప్పుకొచ్చారు. దేశంలో, రాష్ట్రంలో అప్పులు తీరాలంటే జనవరి 30న గ్లోబల్ సమ్మిట్ జరగాలని కేఏ పాల్ సూచించారు. ప్రజాశాంతి పార్టీకి త్వరలోనే గుర్తు కూడా రానుందని కేఏ పాల్ తెలిపారు. ఇక.. టీడీపీ తరఫున ఎంపీగా పోటీ చేయాలనుకునే వాళ్లను రూ.50 కోట్లు అడుగుతున్నారని సంచలన వ్యాఖ్యలు చేశారు. మరోవైపు మాజీ జేడీ లక్ష్మీనారాయణ పార్టీ పెట్టేందుకు ఆర్ఎస్ఎస్, బీజేపీ రూ.1000 కోట్లు ఇచ్చిందని ఆరోపించారు. గతంలో.. తనను విదేశాంగ శాఖ మంత్రిగా ప్రభుత్వంలోకి రావాలని మోదీ, అమిత్ షా కోరారని.. కానీ తాను వెళ్లలేదని కేఏ పాల్ తెలిపారు.
|
|