ఘంటసాల స్మారక కళా పీఠం ఆధ్వర్యంలో 2 కె రన్
Andhra Pradesh Telugu | Suryaa Desk | Published : Tue, Dec 04, 2018, 12:32 PM
విజయనగరం : ఘంటసాల జన్మదినం పురస్కరించుకొని మంగళవారం ఉదయం విజయనగరం పట్టణంలో ఘంటసాల స్మారక కళా పీఠం ఆధ్వర్యంలో ' ఘంటసాల 2 కె రన్ ' కార్యక్రమాన్ని నిర్వహించారు. ఈ కార్యక్రమాన్ని ఘంటసాల స్మారక కళా పీఠం వ్యవస్థాపక అధ్యక్షులు, కార్యదర్శి ఎం.భీష్మారావు జెండా ఊపి ప్రారంభించారు. ఈ కార్యక్రమంలో పాల్గొన వారంతా ఘంటసాల టీ షర్ట్లను ధరించి స్థానిక కోట దగ్గర నుంచి.. గురజాడ వీధి మీదుగా గురజాడ విగ్రహం, గంట స్తంభం, మూడులాంతర్ల మీదుగా ఐకోనేరు గట్టున ఉన్న ఘంటసాల విగ్రహం వరకు కొనసాగారు. ముందుగా.. ఐకోనేరు మారుతి భక్తమండలి వద్ద ఉన్న ఘంటసాల విగ్రహం వద్దకు ఘంటసాల రన్ బృందం చేరుకున్నారు. ఘంటసాల విగ్రహనికి పూలమాల వేశారు.
అనంతరం కార్యదర్శి ధవళ సర్వేశ్వరరావు మాట్లాడుతూ.. ఘంటసాల 96 వ జయంతిని పురస్కరించుకొని ఘంటసాల పాటశాల పుస్తకం సంకల్పన కర్త సిహెచ్.రామారావు దర్శకత్వంలో త్వరలో విడుదల కానున్న ' ఘంటసాల ది గ్రేట్ ' సినిమా విడుదల సందర్భంగా.. కళాపీఠం ఘంటసాల రన్ నిర్వహించిందని తెలిపారు. రన్ లో పాల్గొన్న వారందరికీ ఘంటసాల టీ షర్ట్లను సిహెచ్.రామారావు సమర్పించారని చెప్పారు. ఘంటసాల కేవలం పాటల ద్వారానే కాకుండా, సమాజ అభివృద్ధికి పాటుపడ్డారని, తెలుగు భాష సౌందర్యాన్ని కాపాడిన వ్యక్తి ఘంటసాల అని పేర్కొన్నారు. పాటల ద్వారా దేశ విదేశాల్లో ఎంతో పేరు ప్రఖ్యాతులు సంపాదించిన వ్యక్తి ఘంటసాల అని కొనియాడారు. ఈ కార్యక్రమంలో వ్యవస్థాపక అధ్యక్షులు ఎం.భీష్మారావు, అధ్యక్షులు మేకా కాశీవిశ్వేశురుడు, జనార్థన్, సత్య కాలేజీ ఎన్సిసి.మాష్టర్ కళ్యాణ్ అశోక్, మన్యాల శ్రీనివాస్ రావు, డ్రిల్ మాష్టర్ కె.గోపాల్, కె.శ్రీలత, సింహాచలం అసిస్టెంట్ ఇంజినీరింగ్, గోపాల కృషి దేవరాజు, కెమెరా మెన్ గా బుర్రా శ్రీనివాసరావు ,వెంకటేష్, తదితరులు పాల్గన్నారు. ఈ కార్యక్రమంలో సుమారు మూడు వందల మంది పాల్గొన్నారు.
|
|