ఈ టిప్స్ ఫాలో అయితే మీ షుగర్ కచ్చితంగా కంట్రోల్
Health beauty | Suryaa Desk | Published : Sat, Dec 20, 2025, 11:31 PM
షుగర్ వచ్చిందంటే దానికితోడు ఎన్నో సమస్యలొస్తాయి. కాబట్టి, దీనిని కంట్రోల్ చేసుకోవడం చాలా ముఖ్యం. దీనికోసం లైఫ్స్టైల్ చేంజెస్ చాలా ముఖ్యం. డాక్టర్ సూచించిన మెడిసిన్ వంటివి తీసుకోవాలి. రెగ్యులర్గా చెకప్ చేసుకోవాలి. దీని వల్ల బ్లడ్ షుగర్ లెవల్స్ బ్యాలెన్స్గా ఉంటాయి. దీంతో పాటు నేచురల్గానే సమస్యని తగ్గించుకోవాలనుకేనేవారు కొన్ని జాగ్రత్తలు తీసుకోవాలని డాక్టర్ సదానందం కొన్ని జాగ్రత్తలు చెబుతున్నారు. వాటిని మనం రెగ్యులర్గా ఫాలో అయితే చాలా వరకూ బ్లడ్ షుగర్ లెవల్స్ కంట్రోల్ అవుతాయి. అవేంటంటే
పండ్లని సరైన విధానంలో తినడం
పండ్లు తినడం చాలా ముఖ్యం. అయితే, కేవలం పండ్లు మాత్రమే తీసుకుంటే షుగర్ లెవల్స్ పెరుగుతాయి. అలా కాకుండా ఉండాలంటే గుడ్ ఫ్యాట్స్ ఉండే నట్స్, సీడ్స్తో కలిపి తీసుకోండి. దీంతో చాలా వరకూ మనకి షుగర్ లెవల్స్ పెరగకుండా ఉంటాయి. అంతేకానీ, నేరుగా పండ్లని తీసుకోవద్దు.
ఆవునెయ్యి తీసుకోవడం
అన్నం కానీ, చపాతీ కానీ తీసుకున్నప్పుడు మనం నేరుగా తినకుండా అందులో కొద్దిగా ఆవునెయ్యి కలిపి తీసుకోండి. దీంతో తిన్న తర్వాత షుగర్ లెవల్స్ పెరకుండా ఉంటాయి. షుగర్ స్పైక్స్ కంట్రోల్ అవ్వడానికి చాలా వరకూ ఈ టిప్ హెల్ప్ చేస్తుంది. దీని వల్ల ఆహారానికి రుచి పెరగడమే కాకుండా, ఆరోగ్యానికి చాలా మంచిది.
ఫైబర్, ప్రోటీన్ ఎక్కువగా తీసుకోవడం
మీరు భోజనం చేసేటప్పుడు అన్నంతో పాటు ఫైబర్, ప్రోటీన్ ఎక్కువగా తీసుకోవాలి. దీని వల్ల కడుపు నిండుగా ఉండేలా చేస్తుంది. జీర్ణ సమస్యలు రావు. పైగా క్రేవింగ్స్ లేకుండా ఉంటాయి. కాబట్టి, కచ్చితంగా ఫైబర్, ప్రోటీన్ కచ్చితంగా మీ ప్రతీ మీల్లో ఉండేలా చూసుకోండి.
తిన్న తర్వాత నడవడం
ఇది చాలా మందికి తెలిసినా కూడా నెగ్లెక్ట్ చేస్తుంటారు. అలా కాకుండా, భోజనం చేశాక 10 లేదా 15 నిమిషాల పాటు నడవండి. దీని వల్ల షుగర్ లెవల్స్ పెరగకుండా ఉంటాయి. దీనికోసం బయటికి వెళ్లాల్సిన అవసరం లేదు. ఇంట్లోనే నడవొచ్చు. దీని వల్ల చాలా వరకూ జీర్ణ సమస్యలు రాకుండా ఉంటాయి. పైగా షుగర్ స్పైక్స్ కూడా ఉండవు.
షుగర్ తగ్గేందుకు డాక్టర్ చెప్పిన టిప్స్
తిండి, నిద్ర సరైన సమయానికి
ఇది చాలా మందికి తెలిసినా కూడా నెగ్లెక్ట్ చేస్తుంటారు. రోజూ సరైన టైమ్కి నిద్రలేవడం, పడుకోవడం, రోజూ సరైన టైమ్కి తినడం వంటివి కూడా హెల్ప్ చేస్తాయి. కాబట్టి, స్లీప్ అండ్ డైట్ కోసం సరైన టైమింగ్స్ ఫాలో అవ్వండి. దీంతో చాలా వరకూ మీ ప్రాబ్లమ్స్ దూరమవుతాయి.
|
|