ఎలక్ట్రిక్ బైక్ మార్కెట్‌లో సంచలనం: Oben Rorr Evoకి ₹25,999 డిస్కౌంట్

రైడర్స్ ఎంతో ఆసక్తిగా ఎదురుచూస్తున్న కొత్త ఎలక్ట్రిక్ బైక్ మార్కెట్‌లోకి అడుగుపెట్టింది. స్టైల్, పవర్ కలయికతో వచ్చిన ఈ బైక్ ప్రారంభ ధర కేవలం రూ. 99,000గా నిర్ణయించారు.వేగం, రేంజ్ విషయంలో ఎలాంటి రాజీ లేకుండా రూపొందించిన Oben Rorr Evoను Oben Electric భారత మార్కెట్లో విడుదల చేసింది. ఈ బైక్ అసలు ధర రూ. 1,24,999 (ఎక్స్-షోరూమ్) అయినప్పటికీ, తొలి 10,000 మంది వినియోగదారులకు ప్రత్యేకంగా రూ. 99,000కే అందిస్తోంది. ఆసక్తి ఉన్న వారు కంపెనీ అధికారిక వెబ్‌సైట్‌లో కేవలం రూ. 777తో ప్రీ-బుకింగ్ చేసుకోవచ్చు.ఈ బైక్ నాలుగు ఆకర్షణీయమైన రంగుల్లో లభిస్తోంది. వాటిలో ‘న్యూట్రాన్ బ్లూ’ స్పోర్టీ లుక్‌తో ప్రత్యేకంగా ఆకట్టుకుంటుంది. నీలం ఫినిషింగ్‌తో పాటు ఎరుపు గ్రాఫిక్స్ కలయిక బైక్‌కు అగ్రెసివ్ స్టైల్‌ను ఇస్తుంది. ట్యాంక్‌పై తెలుపు రంగులో ఉన్న ‘రోర్’ బ్యాడ్జింగ్ ప్రత్యేక హైలైట్‌గా నిలుస్తుంది. వెనుక భాగంలో గ్రే ఫినిషింగ్, ఎరుపు గ్రాఫిక్స్ బైక్‌కు మంచి డిజైన్ బ్యాలెన్స్‌ను ఇస్తాయి.క్లాస్సీ లుక్ కోరుకునే వారికి ‘ఫోటాన్ వైట్’ మంచి ఎంపిక. తెలుపు ట్యాంక్‌పై నలుపు బ్యాడ్జింగ్, ఎరుపు గ్రాఫిక్స్ కలయిక బైక్‌ను మరింత ఆకర్షణీయంగా మార్చుతుంది. ‘మ్యాగ్నెటిక్ బ్లాక్’ రంగు హుందాతనాన్ని ఇష్టపడే రైడర్ల కోసం రూపొందించారు. నలుపు, ఎరుపు కలయిక దీన్ని ప్రీమియం లుక్‌లో నిలబెడుతుంది.అందరి దృష్టిని ఆకర్షించాలనుకునే వారికి ‘పల్స్ రెడ్’ రంగు సరైన ఆప్షన్. హెడ్‌లైట్ నుంచి ట్యాంక్ వరకు ఎరుపు థీమ్ కొనసాగుతూ బైక్‌కు బోల్డ్ లుక్‌ను ఇస్తుంది. రోడ్డుపై ప్రత్యేకంగా కనిపించాలనుకునే వారికి ఇది మంచి ఎంపికగా నిలుస్తుంది.సాంకేతికంగా చూస్తే, ఈ బైక్ 9kW మోటార్‌తో పనిచేస్తూ గంటకు 110 కిమీ గరిష్ట వేగాన్ని అందిస్తుంది. 3.4kWh బ్యాటరీ ప్యాక్‌తో ఒకసారి ఛార్జ్ చేస్తే సుమారు 180 కిలోమీటర్ల (IDC) రేంజ్ ఇస్తుందని కంపెనీ చెబుతోంది.తక్కువ ధరలో మంచి రేంజ్, వేగం కోరుకునే ఈవీ వినియోగదారులకు ఇది మంచి ఆప్షన్‌గా మారనుంది. స్టైల్, పనితీరు, ఎకానమీ—all-in-one ప్యాకేజ్‌గా ఈ బైక్ భారత ఎలక్ట్రిక్ టూవీలర్ మార్కెట్‌లో పోటీని మరింత పెంచే అవకాశం ఉంది.