ఈ మాంసం తిన్నారో,,,పందెం కోళ్లకు వయాగ్రా, స్టెరాయిడ్స్‌తో బూస్టర్ షాట్స్

ఏపీలో సంక్రాంతి సందడి మొదలైంది.. పండుగ అంటేనే రంగు,రంగుల ముగ్గులు, హరిదాసుల సందడి, పిండి వంటల ఘుమఘుమలు. వీటితో పాటుగా సంక్రాంతికి కోడి పందాలు కూడా ఓ సంప్రదాయంగా వస్తోంది.. పండుగ సందర్భంగా ఏదో సరదాగా మొదలైని ఈ పందాలు.. ఆ తర్వాత కోట్లకు కోట్లు చేతుల మారే రేంజ్‌కు వెళ్లింది. ఈ కోడి పందాల కోసం ఐదారు నెలల ముందు నుంచే కోడి పుంజుల్ని సిద్ధం చేస్తున్నారు పందెంరాయుళ్లు. బాదం, పిస్తా.. ఇలా రకరకాల బలమైన ఆహారాన్ని కోళ్లకు అందించి బలంగా పెంచుతారు. అయితే ఇప్పుడు ట్రెండ్ మారింది.. కోళ్ల పందాల్లో బాగా ఫైట్ చేయడానికి పందెంరాయుళ్లు స్టెరాయిడ్స్‌తో పాటుగా ఆల్కహాల్‌ డోస్‌లు కూడా ఇస్తున్నట్లు తెలుస్తోంది.

కోళ్లను పందాలకు సిద్ధం చేసేందుకు కొందరు పందెంరాయుళ్లు హైడోస్ స్టెరాయిడ్స్ ఇస్తున్నట్లు ప్రచారం జరుగతోంది. మ్యాజిక్ ఇంజెక్షన్స్‌పేరుతో కోళ్లకు బూస్ట్ ఇచ్చే ప్రయత్నం చేస్తున్నారట. ఒక్కో షాట్‌కు రూ.3,500 వరకు పలుకుతోందట.. ఈ ఇంజెక్షన్ ఇస్తే చాలు పందెం సమయంలో బాగా పోరాడుతుందనే వాదన వినిపిస్తోంది. గోదావరి జిల్లాల్లో కోడి పందాలకు ఐపీఎల్ రేంజ్ ఫ్యాన్స్ ఫాలోయింగ్ ఉంటుంది. రైతులు, వ్యాపారులు, ప్రముఖులు ఈ కోడి పందాల కోసం పుంజుల్ని సిద్ధం చేసుకుంటారు. ఒక్కో కోడికి రోజుకు 500కు పైగానే ఖర్చు చేస్తున్నారు. కోళ్లకు ఇలా ఇంజెక్షన్లు ఇవ్వడం ద్వారా పందాల్లో ప్రత్యర్థిపై బాగా ఫైట్ చేస్తాయని చెబుతున్నారు. కోడి పుంజుల కోసం ఈ ఇంజెక్షన్‌లను కొన్ని గ్యాంగులు మార్కెట్‌లోకి తీసుకొచ్చాయనే టాక్ వినిపిస్తోంది. ఇప్పటికే ఈ ఇంజెక్షన్లను పందెంరాయుళ్లకు విక్రయిస్తున్నారు. ఈ మ్యాజిక్ ఇంజెక్షన్‌ల కోసం డిమాండ్ కూడా పెరిగిందట. ఈ ఇంజెక్షన్ ఇస్తే ఆక్సిజన్ సప్లై పెరుగుతుందని.. కోడి పుంజుకు మరింత బలం వస్తుందంటున్నారు. అంతేకాదు ఈ ఇంజెక్షన్‌లు విక్రయిస్తున్నవారు భారీగా డబ్బులు డిమాండ్ చేస్తుండగా.. కొందరు కోడి పుంజుల పెంపకందారులు మాత్రం వద్దని చెబుతున్నారు. కానీ వెటర్నర్ డాక్టర్లు మాత్రం.. ఈ ఇంజెక్షన్‌ల వల్ల బాగా ఫైట్ చేస్తుందనేందుకు ఎలాంటి గ్యారెంట్ లేదంటున్నారు.

ఈ ఇంజెక్షన్‌లను అథ్లెట్స్, ఆస్తమాతో బాధపడేవారికి ఉపయోగిస్తుంటారట.. ఇది ఒక స్టెరాయిడ్ అని.. వీటిని తాము ఎవరికి సూచించము అంటున్నారు డాక్టర్లు. కానీ కొందరు కోళ్ల పెంపకందారులు మాత్రం.. యూ ట్యూబ్‌లో వీడియోలు చూసి వీటిని ఉపయోగిస్తున్నట్లు చెబుతున్నారు. దీనికి సైంటిఫిక్‌గా ఎలాంటి ఆధారాలు.. రీసెర్స్ మెటీరియల్ లేదంటున్నారు. ఈ ఇంజెక్షన్లను ఇంపోర్ట్ చేస్తున్నామని చెప్పి ఎక్కువ ధరకు అంటగడుతున్నారని.. వీటి విలువ మార్కెట్‌లో రూ.400 వరకు మాత్రమే ఉంటుందంటున్నారు. వీటిని సాధ్యమైనంతవరకు ఉపయోగించకపోవడమే మంచిదంటున్నారు. మరోవైపు పందెంరాయుళ్ల.. తమ కోడిపుంజులకు వయాగ్రాను కూడా ఉపయోగిస్తున్నారు. ఈసారి పందెం కోళ్లకు వ్యాధులు సోకాయి.. పందెం పుంజులకు ఓ వైరల్ వ్యాధి సోకడంతో అవి బలహీనమయ్యాయి. సంక్రాంతి సీజన్‌లో కోళ్లలో సత్తువ లేకపోవడంతో పందెంరాయుళ్లు ఈ వయాగ్రాను ఉపయోగిస్తున్నారు. ఇలా చేస్తే బరిలో నిలిచే కోళ్లు పొగరుతో.. ప్రత్యర్థి పుంజుపై విరుచుకుపడతాయని చెబుతున్నారు. ఈ వైరల్ వ్యాధి వల్ల కోళ్లు వీక్ అవుతున్నాయి.. అలాంటి కోళ్లలో వేగంగా శక్తి పెంచడానికి పెంపకందారులు ఇలా చేస్తున్నారు.

వయాగ్రా, షిలాజిత్, విటమిన్ల కాక్టెయిల్‌ వంటివి అందిస్తున్నారు. కానీ వెటర్నరీ డాక్టర్ మాత్రం ఇలాంటివి కోళ్లకు మంచిది కాదని హెచ్చరిస్తున్నారు. ఈ వయాగ్రాతో పాటూ ఇతర మందులు కోళ్లలో తాత్కాలికంగా శక్తిని ఇస్తాయని.. భవిష్యత్తులో కోళ్లకు హాని తప్పదంటున్నారు. ఇలాంటి కోళ్లను మనుషులు తింటే వారి ఆరోగ్యానికి ప్రమాదం పొంచి ఉందని హెచ్చరిస్తున్నారు. మొత్తానికి పందెంరాయుళ్లు తమ కోళ్లను బరిలో దింపేందుకు ఇలా కొత్త మార్గాలను ఎంచుకుంటున్నారు.. కానీ ఈ పద్దతులు అంత మంచిది కాదని వెటర్నరీ డాక్టర్లు హెచ్చరిస్తున్నారు.