ట్రెండింగ్
125 అడుగుల అంబేద్కర్ విగ్రహాన్ని ఆవిష్కరించిన సీఎం జగన్
Andhra Pradesh Telugu | Suryaa Desk | Published : Fri, Jan 19, 2024, 10:35 PM
విజయవాడ స్వరాజ్య మైదానంలో ఏర్పాటు చేసిన 125 అడుగుల అంబేద్కర్ విగ్రహాన్ని ఆంధ్రప్రదేశ్ రాష్ట్ర ముఖ్యమంత్రి జగన్ సాయంత్రం ఆవిష్కరించారు. విజయవాడలో ఏర్పాటు చేసిన ఈ విగ్రహం ప్రపంచంలోని అన్ని అంబేద్కర్ విగ్రహాల కంటే పెద్దదని సీఎం జగన్ వెల్లడించారు. సామాజిక న్యాయ విగ్రహం ఇక నుంచి విజయవాడకు చిరునామాగా మారుతుందని పేర్కొన్నారు. విజయవాడలోని అంబేద్కర్ విగ్రహాన్ని పూర్తిగా స్వదేశీ వస్తువులతో తయారు చేశారు. ఇందుకోసం రూ. 404.35 కోట్లు ఖర్చు చేశారు. 18.18 ఎకరాల్లో ఈ భారీ ప్రాజెక్టును నిర్మించారు. ఇక్కడ అంబేద్కర్ జీవిత వివరాలతో కూడిన ప్రత్యేక కేంద్రాన్ని కూడా ఏర్పాటు చేశారు.
|
|