తిరుమల వెళ్లే శ్రీవారి భక్తులకు శుభవార్త.. ఈ నెల 25, 26, 27, 28 తేదీల్లో, ప్లాన్ చేస్కోండి!

తిరుమలకు నిత్యం వేలాదిమంది భక్తులు తరలివస్తుంటారు. ఆ రద్దీని దృష్టిలో ఉంచుకుని దక్షిణ మధ్య రైల్వే కీలక నిర్ణయం తీసుకుంది. తిరుపతికి నాలుగు ప్రత్యేక రైళ్లను నడుపుతున్నట్లు ప్రకటించింది. ఈ నెల 25, 26, 27, 28 తేదీల్లో స్పెషల్ రైళ్లు అందుబాటులో ఉంటాయని తెలిపారు. సికింద్రాబాద్-తిరుపతి (07041) రైలు ఈ నెల 25న (గురువారం) సికింద్రాబాద్ నుంచి రాత్రి 8 గంటలకు బయలుదేరుతుంది. శుక్రవారం ఉదయం 9 గంటలకు తిరుపతి చేరుకుంటుంది. ఇదే రైలు తిరుపతి-సికింద్రాబాద్ (07042) తిరుగు ప్రయాణంలో ఈ నెల 26న (శుక్రవారం) రాత్రి 07:50 గంటలకు బయలుదేరి.. శనివారం ఉదయం 09:30 గంటలకు సికింద్రాబాద్ వస్తుంది.

సికింద్రాబాద్-తిరుపతి (02764) రైలు ఈ నెల 27న (శనివారం) సాయంత్రం 06:40 గంటలకు సికింద్రాబాద్ నుంచి బయలుదేరుతుంది.. ఆదివారం ఉదయం 06:45 గంటలకు తిరుపతి చేరుకుంటుంది. తిరుగు ప్రయాణంలో తిరుపతి - సికింద్రాబాద్ (02763) రైలు ఈ నెల 28న (ఆదివారం) సాయంత్రం 05:15 గంటలకు తిరుపతి నుంచి బయలుదేరి సోమవారం ఉదయం 05:55 గంటలకు సికింద్రాబాద్ వస్తుంది. ఈ నాలుగు రైళ్లు ఏయే స్టేషన్స్‌లో ఆగుతాయో కూడా వివరాలు వెల్లడించారు. సికింద్రాబాద్-తిరుపతి-సికింద్రాబాద్ స్పెషల్ రైళ్లు (07041/07042) కాచిగూడ, ఉమ్దానగర్‌, షాద్‌నగర్‌, జడ్చర్ల, మహబూబ్‌ నగర్‌, వనపర్తి రోడ్‌, గద్వాల్‌, రాయిచూర్‌, మంత్రాలయం రోడ్‌, గుంతకల్లు, తాడిపత్రి, ఎర్రగుంట్ల, రాజంపేట, రేణిగుంట స్టేషన్స్‌లో ఆగుతుంది. సికింద్రాబాద్‌-తిరుపతి-సికింద్రాబాద్ స్పెషల్ రైళ్లు (02764/02763).. ‌జనగామ‌, కాజిపేట్‌, వరంగల్‌, మహబూబాబాద్‌, ఖమ్మం, విజయవాడ, తెనాలి, బాపట్ల, చీరాలా, ఒంగోలు, నెల్లూరు, గూడూరు, రేణింగుంట స్టేషన్స్‌లో ఆగుతుంది. ప్రయాణికులు ఈ విషయాన్ని గమనించాలని రైల్వేశాఖ సూచించింది.