ట్రెండింగ్
మంగళగిరిలో టీడీపీలోకి చేరికలు
Andhra Pradesh Telugu | Suryaa Desk | Published : Sat, Jan 27, 2024, 12:55 PM
టీడీపీ యువనేత లోకేష్ ఈరోజు (శనివారం) మధ్యాహ్నం అమరావతికి రానున్నారు. నారా లోకేష్ సమక్షంలో మంగళగిరి నియోజకవర్గం దుగ్గిరాల మండలం వైసీపీ కీలక నేతలు టీడీపీలో చేరనున్నారు. దుగ్గిరాల మండలం నేతలు గత కొన్నేళ్లుగా వైసీపీలోనే కీలకంగా ఉన్నారు. అయితే వైసీపీకి షాక్ ఇస్తూ ఈరోజు సాయంత్రం ఉండవల్లిలోని చంద్రబాబు నివాసంలో దుగ్గిరాల మార్కెట్ యార్డ్ మాజీ చైర్మన్ పాటిబండ్ల కృష్ణప్రసాద్, యడ్ల వెంకటరావు, జయలక్ష్మి, పలు గ్రామాల సర్పంచ్‌లు టీడీపీ తీర్థం పుచ్చుకోనున్నారు. వైసీపీలో కొనసాగలేమని విజయసాయి రెడ్డికి దుగ్గిరాల మండలం నేతలు తేల్చి చెప్పారు. ఈరోజు లోకేష్ సమక్షంలో టీడీపీలో చేరనున్నట్లు తెలిపారు.
|
|