ఏపీ సీఎం జగన్కు పవన్ కళ్యాణ్ 12 ప్రశ్నలు.. సమాధానం చెప్పాలన్న జనసేనాని
Andhra Pradesh Telugu | Suryaa Desk | Published : Sat, Jan 27, 2024, 09:54 PM
ఆంధ్రప్రదేశ్ ముఖ్యమంత్రి వైఎస్ జగన్మోహన్రెడ్డికి 12 ప్రశ్నలు సంధించారు జనసేన అధినేత పవన్ కళ్యాణ్. ఏపీలో చేపట్టిన కులగణనపై సమాధానం చెప్పాలన్నారు. ఈ కులగణన ఉద్దేశం ఇప్పుడే ఎందుకు వచ్చిందో చెప్పాలన్నారు. ఆంధ్రప్రదేశ్ రాష్ట్ర ముఖ్యమంత్రి శ్రీ జగన్ రెడ్డి గారు సమాధానం చెప్పాలని కోరారు. జనసేన పార్టీ అధినేత పవన్ కళ్యాణ్ సీఎం జగన్కు సంధించిన 12 ప్రశ్నలు ఇలా ఉన్నాయి.
1. ఈ కులగణన ఉద్దేశం మీకు ఎన్నికల ముందే ఎందుకు వచ్చింది?
2. ఈ ప్రక్రియ కారణాలు వివరిస్తూ మీరు ఎందుకు ఏ విధమైన ప్రభుత్వపరమైన గెజిట్ నోటిఫికేషన్ విడుదల చెయ్యలేదు?
3. ఇది రాజ్యాంగం మా అందరికి ఆర్టికల్ 21 ప్రకారం చెప్పిన వ్యక్తిగత గోప్యత, భద్రతా, స్వేచ్చ హరించడం కాదా?
4. కులగణన మీ ఉద్దేశం ఐతే, మరి మీకు ఉపకులం, ఆదాయం, భూమి యాజమాన్యం వివరాలు, కోళ్లు, మేకలు, ఆవులు, గేదలు ఇవన్నీ
ఎందుకు?
5. బీహార్ ప్రభుత్వం చేసిన కులగణన సుప్రీమ్ కోర్టులో ఉన్న నేపధ్యంలో, గౌరవ సుప్రీం కోర్ట్ తన తీరుని ప్రకటించక ముందే మీరు మీ
స్వీయ ప్రయోజనాలకు ఎందుకు ప్రజా ధనాన్ని వృథా చేస్తున్నారు?
6. జనగణన ఒక సంక్షిప్లమైన ప్రక్రియ, ఇది ఎంతో మంది నిపుణలతో చెయ్యవలసిన ప్రక్రియ, మీ వాలంటీర్లకు ఆ అర్హత, సామర్థ్యాలు
ఎలా ఉన్నాయ్ అని నిర్దారించారు?
7. ఇటువంటి డేటా సేకరణ ప్రక్రియ గతంలో కేంబ్రిడ్జి అనలిటిక చేసినప్పుడు అది ఏ విధంగా సమాజంలో అశాంతిని, అల్లర్లకు
ప్రేరేపించాయి అనే విషయం మీకు తెలియదా? వాటిని ఎన్నికల కోసం స్వీయ ప్రయోజనాలకు మీరు ఎలా వాడుకున్నారో మాకు
తెలియదు అనుకుంటున్నారా?
8. ఇవన్నీ మీ అధికార దాహానికి ప్రతీక కాదా? ఒక వేళ కాకపాతే, ఇలా సేకరించిన దేటా ఏ విధమైన దుర్వినియోగం జరగకుందా
మీరు తీసుకున్న నిర్ణయాలు ఏమిటి?
9. ప్రజల నుండి డేటా సమ్మతి అనేది మీరు ఎలా తీసుకుంటున్నారు? అందరూ మీ నియంతృత్వానికి తలవంచుతారు
అనుకుంటున్నారా?
10 ప్రభుత్వ వనరులను, ప్రభుత్వ యంత్రాంగాన్ని స్వీయ ప్రయోజనాలకు వాడుకోవడం, దేశ రాజ్యాంగానికి, ప్రజాస్వామ్యానికి తూట్లు
పోడవటం కాదా?
11. వాలంటీర్లు ద్వారా వైసీపీ ప్రభుత్వం సేకరిస్తున్న కుల గణన, ఇతర వివరాలను ఏ కంపినీ భద్రపరుస్తారు అనే అంశంపై శ్వేత పత్రం
విడుదల చెయ్యాలి,
12. జగన్మోహన్ రెడ్డి ప్రభుత్వం చేస్తున్న రాజ్యాంగ వ్యతిరేక కార్యక్రమాలపై రాజకీయంగానే న్యాయ పరమైన మార్గాలను కూడా విశ్లేషించే దిశగా ఆలోచిస్తాము.
|
|