రోజూ మద్యం తాగి ఇబ్బందిపెడుతున్న తండ్రి,,,మద్యం షాపుపై రివేంజ్ తీర్చుకున్న యువకుడు
Andhra Pradesh Telugu | Suryaa Desk | Published : Fri, Feb 02, 2024, 06:57 PM
ప్రకాశం జిల్లా దర్శిలో పెట్రోల్ బాంబ్ కలకలంరేపింది. ఓ యువకుడు పెట్రోల్ ఉన్న ప్యాకెట్‌ను మద్యం షాపుపై విసిరి నిప్పటించాడు. దర్శికి చెందిన వంశీకృష్ణ అనే యువకుడి తండ్రి రోజూ మద్యం తాగి ఇంటికి వచ్చేవాడు.. కుటుంబ సభ్యుల్ని ఇబ్బందిపెట్టేవాడు. ఇదంతా చూసిన వంశీ.. ఆ కోపంతో తన తండ్రి మద్యం కొనుగోలు చేసే షాపు దగ్గరకు వెళ్లి పెట్రోల్‌తో ఉన్న కవర్‌ను విసిరి నిప్పంటించాడు.. వెంటనే మంటలు అంటుకోగా.. స్థానికులు స్పందించి ఆర్పేశారు. వంశీని స్థానికులు అదుపులోకి తీసుకుని పోలీసులకు అప్పగించారు. తన తండ్రి రోజూ తాగొచ్చి ఇబ్బందిపెడుతున్నాడు.. అందుకే ఇలా చేసినట్లు వంశీ అంటున్నాడు. పోలీసులు ఈ ఘటనపై ఆరా తీస్తున్నారు. ప్రభుత్వ మద్యం దుకాణం కావడంతో పోలీసులు ఎలాంటి నిర్ణయం తీసుకుంటారన్నది చూడాలి. కేసు నమోదు చేస్తారా.. మందలించి వదిలేస్తారా అన్నది క్లారిటీ రావాల్సి ఉంది. ఈ ఘనటకు సంబంధించిన పూర్తి వివరాలు తెలియాల్సి ఉంది.
|
|