కుటుంబ సభ్యులతో కలిసి అయోధ్య బాలరాముడిని దర్శించుకున్న కేజ్రీవాల్, భగవంత్ మాన్
national | Suryaa Desk | Published : Mon, Feb 12, 2024, 10:48 PM
ఆమ్ ఆద్మీ పార్టీ నేతలు.. ఢిల్లీ, పంజాబ్ సీఎంలు అరవింద్ కేజ్రీవాల్, భగవంత్ సింగ్ మాన్.. అయోధ్య బాలరాముడిని దర్శించుకున్నారు. కుటుంబ సమేతంగా అయోధ్యకు వెళ్లిన ఇద్దరు ముఖ్యమంత్రులు.. బాలరాముడి దర్శనం చేసుకున్నారు. ఈ సందర్భంగా అక్కడ దిగిన ఫోటోలను అరవింద్ కేజ్రీవాల్ ఎక్స్‌లో పంచుకున్నారు. దీంతోపాటు కుటుంబసభ్యులతో కలిసి అయోధ్య వెళ్లి రామ్‌లల్లాను దర్శించుకునే భాగ్యం కలిగిందని కేజ్రీవాల్ పేర్కొన్నారు. తన కుటుంబంతోపాటు పంజాబ్ సీఎం భగవంత్ మాన్, ఆయన కుటుంబ సభ్యులు కూడా అయోధ్యలో పర్యటించి రాముడిని దర్శించుకున్నారు. దేశ పురోగతి, మానవాళి సంక్షేమం కోసం బాలరాముడిని ప్రార్థించినట్లు ట్వీట్ చేశారు. శ్రీరాముడి ఆశీస్సులు అందరికీ ఉంటాయి.. జై శ్రీరామ్ అని కేజ్రీవాల్ పోస్ట్ చేశారు. అయితే అయోధ్య ప్రాణప్రతిష్ఠ కార్యక్రమానికి వెళ్లని కేజ్రీవాల్.. తర్వాత కుటుంబంతో కలిసి అయోధ్యను సందర్శిస్తానని పేర్కొన్నారు.
|
|