పోలీస్ కానిస్టేబుల్ ఉద్యోగానికి సన్నీ లియోన్ అప్లై.. హాల్‌టికెట్ వైరల్

దేశంలో ప్రస్తుతం బాలీవుడ్ నటి సన్నీ లియోన్ పేరు మారుమోగిపోతోంది. ఇక సోషల్ మీడియాలో అయితే తెగ వైరల్ అయిపోతోంది. ఇది ఆమె సినిమా గురించో లేక ఆమె చేసే మంచి పనుల గురించో అయితే కానే కాదు. ఎందుకంటే ఆమె ఓ పోలీస్ కానిస్టేబుల్ ఉద్యోగానికి దరఖాస్తు చేయడం ప్రస్తుతం అందర్నీ ఆశ్చర్యానికి గురి చేస్తోంది. సినిమాలు, యాడ్లు చేస్తూ కోట్లు సంపాదించే సన్నీ లియోన్.. కానిస్టేబుల్ ఉద్యోగానికి ఎందుకు దరఖాస్తు చేసుకుంటుంది అని అంతా విస్మయానికి గురి అవుతున్నారు. ఈ క్రమంలోనే ఆమె పేరు, ఫోటోకు సంబంధించిన పోలీస్ కానిస్టేబుల్ హాల్ టికెట్ ప్రస్తుతం సోషల్ మీడియాలో తెగ వైరల్‌గా మారింది.

ప్రస్తుతం ఉత్తర్‌ప్రదేశ్‌లో పోలీస్కానిస్టేబుల్ రిక్రూట్‌మెంట్‌ కోసం ప్రభుత్వం ఇటీవల నోటిఫికేషన్ జారీ చేసింది. అందులో అప్లై చేసుకున్న వారికి తాజాగా హాల్ట టికెట్లు కూడా విడుదల చేసింది. ఈ క్రమంలోనే యూపీ పోలీస్ రిక్రూట్‌మెంట్ బోర్డు విడుదల చేసిన హాల్ టికెట్లలో సన్నీ లియోన్ హాల్ టికెట్ కూడా ఉండటం విశేషం. దీంతో ఇప్పుడు ఆ హాల్ టికెట్ ఫోటో సోషల్ మీడియాలో తెగ వైరల్ అవుతోంది. ఆ అడ్మిట్కార్డులో సన్నీ లియోన్ పేరుతోపాటు రెండు ఫొటోలు ఉండడం గమనార్హం.

అయితే సన్నీ లియోన్ పేరు, ఫొటోతో ఉన్న ఆ అడ్మిట్కార్డు ఫేక్అని ఉత్తర్‌ప్రదేశ్ పోలీసులు తేల్చారు. రిజిస్ట్రేషన్ప్రక్రియలో ఎవరో సన్నీ ఫొటోను తప్పుగా అప్‌లోడ్చేశారని స్పష్టం చేశారు. అప్లై చేసే సమయంలో వివరాలు మొత్తం తప్పుగా ఇచ్చిన ఆ వ్యక్తి.. చివరికి ఫోన్ నంబర్ తనది ఇచ్చి దొరికిపోయాడు. దీంతో ఆ వ్యక్తికి నోటీసులు జారీ చేసినట్లు ఉత్తర్‌ప్రదేశ్ పోలీస్ అధికారులు వెల్లడించారు. రిజిస్ట్రేషన్ వేళ ఉపయోగించిన మొబైల్ నంబర్ యూపీలోని మహోబాలో నివసించే వ్యక్తిది కాగా.. దాని అడ్రస్ మాత్రం ముంబైలో ఉన్నట్లు పోలీసులు గుర్తించారు.

ఇక ఆ హాల్ టికెట్‌లో ఎగ్జామినేషన్సెంటర్ కన్నౌజ్ తిర్వాలోని శ్రీమతి సోనేశ్రీ మెమోరియల్ గర్ల్స్ కాలేజీ అని ఉంది. పరీక్ష తేదీ శనివారం ఉండటం గమనార్హం. అయితే ఆ అడ్మిట్ కార్డుతో ఎవరూ పరీక్షకు హాజరు కాలేదని... ఉత్తర్‌ప్రదేశ్పోలీస్రిక్రూట్‌మెంట్అండ్ప్రమోషన్ బోర్డ్స్పష్టం చేసింది. ఈ రిక్రూట్‌మెంట్ బోర్డు గతంలో యూపీ కానిస్టేబుల్పోస్టుల భర్తీకి నోటిఫికేషన్విడుదల చేయగా.. శని, ఆది వారాల్లో (ఫిబ్రవరి 17, 18) పరీక్షల షెడ్యూల్ ఉంది. ఇక ఈ పరీక్షలో భాగంగా శనివారం యూపీలో మొత్తం 120 మంది అభ్యర్థులను పోలీసులు అరెస్ట్చేశారు. ఇతరుల కోసం పరీక్షలు రాయడానికి కొందరు రాగా, పరీక్షలో కాపీ కొడుతూ, చీటింగ్చేస్తూ దొరికిన వారిని అదుపులోకి తీసుకున్నట్లు వెల్లడించారు.