ట్రెండింగ్
తిరుమలలో గేటును ఢీకొట్టి భక్తులపై దూసుకెళ్లిన ట్రాక్టర్.. ముగ్గురికి గాయాలు
Andhra Pradesh Telugu | Suryaa Desk | Published : Wed, Feb 21, 2024, 09:29 PM
తిరుమలలో ఓ ట్రాక్టర్ బీభత్సం సృష్టించింది. తిరుమల యాత్రి సముదాయం 4 వద్ద వేగంగా దూసుకువచ్చిన ట్రాక్టర్ అదుపుతప్పి మూసి ఉన్న గేటును బలంగా ఢీ కొట్టింది. ఈ ప్రమాదంలో ముగ్గరికి గాయాలయ్యాయి. బ్రేక్‌కు బదులుగా డ్రైవర్ ఎక్సలేటర్ తొక్కడంతోనే ప్రమాదం జరిగినట్లు తెలుస్తోంది. సమాచారం అందిన వెంటనే పోలీసులు అక్కడికి చేరుకుని గాయపడిన వారిని అశ్విని ఆస్పత్రికి తరలించారు. ఈ ఘటనపై కేసు నమోదు చేసి దర్యాప్తు చేపట్టారు. ట్రాక్టర్ డ్రైవర్‌ని తిరుమల ట్రాఫిక్ పోలీస్‌స్టేషన్‌కి తరలించి విచారిస్తున్నారు. ట్రాక్టర్ ఒక్కసారిగా దూసుకురావడంతో అక్కడి ప్రజలు, భక్తులు తీవ్ర భయాందోళనకు గురయ్యారు. ఈ ఘటనకు సంబంధించి దృశ్యాలు ఓ దుకాణంలో ఏర్పాటు చేసిన సీసీటీవీ కెమెరాల్లో రికార్డయ్యాయి.
|
|