ట్రెండింగ్
మహిళలు రాణించినప్పుడే సమాజాభివృద్ధి సాధ్యం అవుతుంది
Andhra Pradesh Telugu | Suryaa Desk | Published : Sat, Mar 02, 2024, 11:59 AM
‘సమాజంలో మహిళల పాత్ర ఎంతో కీలకం. వారు అన్ని రంగాలలో రాణించినప్పుడే సమాజాభివృద్ధి సాధ్యం అవుతుంది’ అని ప్రముఖ గాయని సునీత ఉపద్రష్ట పేర్కొన్నారు. శుక్రవారం ఉంగుటూరు మండలం చేబ్రోలు లయన్స్‌ క్లబ్‌ ఆధ్వర్యంలో అంతర్జాతీయ మహిళా దినోత్సవంలో ఆమె పాల్గొని ప్రసంగించారు. ఈ సందర్భంగా సునీతను లయన్స్‌ క్లబ్‌ ఆధ్వర్యంలో సన్మానించారు. పేద మహిళలకు చీరలు, పిల్లలకు చెప్పులు, పలకలు పంపిణీ చేశారు. సునీత దైవభక్తి గీతాలు, సంప్రదాయ పాటలతో అలరించారు. గొట్టుముక్కల విజయలక్ష్మి, హ్యాండీ క్రాప్ట్స్‌ కేంద్ర ప్రభుత్వ ప్రమోషన్‌ అధికారి ఎం.సువర్చల పాల్గొన్నారు.
|
|