ఈ కాంట్రాక్టర్ మామూలోడు కాదుగా.. అడ్డంగా దొరికిపోయిన ప్రభుత్వ అధికారి

గుంటూరు జిల్లాలో ఓ కాంట్రాక్టర్ ప్రభుత్వ అధికారికి షాకిచ్చారు. గ్రామీణ నీటిపారుదల శాఖలో (ఆర్‌డబ్ల్యూఎస్‌) పనిచేస్తున్న అసిస్టెంట్‌ ఇంజినీర్‌ (ఏఈ) శివరామకృష్ణను ఏసీబీకి పట్టించారు. గుంటూరులోని నల్లపాడుకు చెందిన కాంట్రాక్టర్ రవికిషోర్‌రెడ్డి పెదకాకానిలో వాకింగ్‌ ట్రాక్‌, నీళ్ల ట్యాంక్‌, చెరువు చుట్టూ అభివృద్ధి పనులు చేశారు. అందుకు సంబంధించిన బిల్లులు రూ.42 లక్షలు మంజూరయ్యాయి. వాటిని ఉన్నతాధికారుల దృష్టికి తెచ్చి, శాఖాపరమైన ఆమోదాలు తీసుకొని చెల్లించేందుకు పెదకాకాని మండల ఏఈ శివరామకృష్ణ లంచం డిమాండ్‌ చేశారు. బిల్లు మొత్తం రూ.42 లక్షల్లో నాలుగు శాతం రూ.1.68 లక్షలు లంచం ఇవ్వాలని కోరారు.

వెంటనే కాంట్రాక్టర్ రవికిషోర్‌రెడ్డి ఏసీబీ అధికారులకు ఫిర్యాదు చేశారు. వారు చెప్పిన విధంగా కాంట్రాక్టర్ శుక్రవారం రాత్రి ఆ డబ్బులు తీసుకోవడానికి గుంటూరులోని జిల్లా పరిషత్‌ ప్రాంగణంలోని నీటిపారుదల శాఖ డిప్యూటీ ఇంజినీర్‌ కార్యాలయం వద్దకు రావాలని ఏఈకి కబురుపెట్టారు. అప్పటికే అక్కడ ఏసీబీ ఏఎస్పీ మహేంద్ర, డీఎస్పీలు సత్యానందం.. ఇతర సిబ్బందితో కలిసి నిఘా ఉంచారు. నీటిపారుదల శాఖ కార్యాలయం ఎదురుగా రవికిషోర్‌రెడ్డి నుంచి శివరామకృష్ణ రూ.1.68 లక్షలు లంచం తీసుకుంటుండగా రెడ్‌ హ్యాండెడ్‌గా పట్టుకున్నారు.ఈ కాంట్రాక్టర్ మామూలోడు కాదుగా.. అడ్డంగా దొరికిపోయిన ప్రభుత్వ అధికారి

మంజూరైన బిల్లులను ప్రాసెస్‌ చేసేందుకు లంచం తీసుకుంటూ ప్రభుత్వ ఉద్యోగి ఏసీబీకి చిక్కారు. గుంటూరు జిల్లా పెదకాకాని పంచాయతీ పరిధిలో సమ్మర్‌ స్టోరేజీ (ఎస్‌ఎస్‌) ట్యాంకర్‌కు సంబంధించి మంచినీటి చెరువు చుట్టూ వాకింగ్‌ ట్రాక్, ఫెన్సింగ్‌ పనులను గుంటూరు రూరల్‌ మండల పరిధిలోని నల్లపాడు గ్రామానికి చెందిన శ్యామల రవికిషోర్‌రెడ్డి అనే కాంట్రాక్టర్‌ పూర్తి చేశారు. అందుకుగాను మూడు బిల్లుల్లోనూ దాదాపు రూ.42 లక్షలు మంజూరయ్యాయి. అయితే మంజూరైన బిల్లులను ప్రాసెస్‌ చేసేందుకు రూరల్‌ వాటర్‌ సప్లయి/శానిటేషన్‌ గుంటూరు డివిజన్‌ పరిధిలోని పెదకాకాని ఏఈ పి.శివరామకృష్ణ కాంట్రాక్టర్‌ రవికిషోర్‌రెడ్డిని లంచం డిమాండ్‌ చేశారు. కాంట్రాక్టర్ ఏసీబీని ఆశ్రయించగా.. ఏఈని రెడ్ హ్యాండెడ్‌గా పట్టుకున్నారు.