ఎస్సై డ్రెస్‌లో ప్రేమజంట బిల్డప్‌లు.. అమ్మో ఏకంగా రూ.కోట్లలో, అసలు సంగతి తెలిసి!
Andhra Pradesh Telugu | Suryaa Desk | Published : Fri, Mar 08, 2024, 07:43 PM
విశాఖలో నకిలీ పోలీసుల దందా కలకలంరేపుతోంది. ఓ జంట పోలీస్ శాఖలో ఉద్యోగాలు ఇప్పిస్తామంటూ రూ.కోట్లు వసూలు చేశారు. హనుమంతు రమేష్ అడవివరంలోని ఆర్‌ఆర్‌ టవర్స్‌ నివాసం ఉంటున్నాడు. అతడికి ఇద్దరు భార్యలు (అక్కచెల్లెళ్లు) ఉండగా.. మళ్లీ ఇటీవల మరో ప్రియరాలితో ఉంటున్నాడు. గత కొంతకాలంగా ప్రియురాలు, మరికొందరితో కలిసి రాష్ట్ర పోలీసు శాఖలో ఉన్నత ఉద్యోగాలు ఇప్పిస్తామని యువకులకు ఆశ చూపించారు. వీరి మాటలు నమ్మి కొందరు నిరుద్యోగులు మధ్యవర్తుల ద్వారా డబ్బులు ఇచ్చారు. ఈ కిలాడీ జంట ఎస్సై గెటప్‌లో రావడంతో వారంతా నిజమని నమ్మేశారు.
బాధితుల ఫిర్యాదుతో ఇటీవల విశాఖ పోలీసులు రంగంలోకి దిగారు. నిందితులు హైదరాబాద్‌లో ఉన్నట్లు పోలీసు విచారణలో తేలింది. పోలీసు కమిషనర్‌ సూచనలతో టాస్క్ఫోర్స్ బృందాలు హైదరాబాద్‌ వెళ్లి హనుమంతు రమేష్, అతడి ప్రియురాలిని అదుపులోకి తీసుకున్నారు. వీరిద్దరినీ గురువారం సాయంత్రం టాస్క్ఫోర్స్ కార్యాలయానికి తీసుకొచ్చారు. అనంతరం నగర పోలీసు కమిషనర్‌ ఎదుట హాజరుపరిచారు. అనంతరం వారిని రహస్య ప్రాంతానికి తరలించి ప్రశ్నిస్తున్నట్లు తెలుస్తోంది.
|
|