వివేకం సినిమాపై వైసీపీ ఫిర్యాదు.. ఈసీ కీలక ఆదేశాలు

వివేకం సినిమాపై ఎన్నికల సంఘం సీరియస్ అయ్యింది. రాష్ట్రంలో ఎన్నికలు జరుగుతున్న తరుణంలో హింసను ప్రేరేపించేదిగాను,రెచ్చగొట్టేవిధంగా ఉన్న 'వివేకం' సినిమా లైవ్ స్ట్రీమింగ్ కాకుండా తగిన చర్యలు తీసుకోవాలని కేంద్ర ఎన్నికల సంఘం రాష్ట్ర ఎన్నికల సంఘం అధికారులకు ఆదేశాలు జారీ చేసింది. రాష్ట్రంలో ఎన్నికల తరుణంలో 'వివేకం' సినిమా హింసను ప్రేరేపించేదిగాను, ప్రజలను రెచ్చగొట్టేదిగాను ఉందంటూ ఎన్నికల సంఘానికి మార్చి 20న వైఎస్సార్‌సీపీ రాష్ట్ర ప్రధాన కార్యదర్శి లేళ్ళ అప్పిరెడ్డి ఫిర్యాదు చేశారు.

ఎన్ ఎస్ ఎంటరై 'వివేకం' మూవీ మాజీ ఎంపీ వివేకానందరెడ్డి హత్యకేసు కథంనంతో నిర్మించినట్లుగా ఉంది అన్నారు.అందులో పలు సన్నివేశాలను చూస్తే రాజకీయపార్టీకి సంబంధించి వైఎస్సార్‌సీపీ జెండాలను పోలిన విధంగా ఉండేలా తీర్చిదిద్దారన్నారు. అందులో పలు పాత్రలకు సంబంధించి ముఖ్యమంత్రి జగన్ పేరు ఇతర పాత్రలను కూడా అదే పేర్లు ఉచ్చరించడం కూడా ఉందన్నారు. అటు వైఎస్సార్‌సీపీని, జగన్‌ను కించపరిచేలా ఉందన్నారు. ఎన్నికల కోడ్ అమలులోకి వచ్చిన తర్వాత ఇది యూట్యూబ్‌లో లైవ్ స్ట్రీమింగ్ కావడం, పలు సన్నివేశాలు సోషల్ మీడియాలో కూడా ప్రదర్శిస్తున్నారన్నారు.

నిజానికి వివేకానందరెడ్డి హత్యకు సంబంధించి సీబీఐ దర్యాప్తు ఇంకా కొనసాగుతోంది అన్నారు.ఇది మోడల్ కోడ్ ఆఫ్ కాండక్ట్ కు విరుధ్దమైందని.. కాబట్టి దీనిని బ్యాన్ చేయాలని ఎన్నికల కమీషన్ కు ఇచ్చిన ఫిర్యాదులో వైఎస్సార్‌సీపీ పేర్కొంది. 2019 ఎన్నికల సమయంలో ఇదే రీతిలో బయోపిక్ ఆఫ్ పీఎం మోది చిత్రం రూపొందిస్తే అప్పట్లో దానిని బ్యాన్ చేశారని.. ఇప్పుడు కూడా అదే విధంగా "వివేకం",చిత్రాన్ని బ్యాన్ చేసేలా వెంటనే చర్యలు తీసుకోవాలని కోరారు. దీనిపై స్పందించిన కేంద్ర ఎన్నికల సంఘం అడిషనల్ ఛీఫ్ ఎలక్ర్టోరల్ అధికారి హరేందిర ప్రసాద్ తగిన చర్యలు తీసుకోవాలని రాష్ట్ర ఎన్నికల సంఘాన్ని ఆదేశిస్తూ ఉత్తర్వులు జారీ చేశారు.