ఏపీలో రైలు ప్రయాణికులకు ముఖ్య గమనిక.. ఈ రైళ్లు రద్దు, మరికొన్ని దారి మళ్లింపు.

ఏపీలో రైలు ప్రయాణికులకు ముఖ్యమైన గమనిక.. పలు రైళ్లను రద్దు చేస్తున్నట్లు రైల్వే అధికారులు తెలిపారు. విజయవాడ రైల్వే డివిజన్‌ పరిధిలో నిర్వహిస్తున్న ట్రాక్‌ పనుల దృష్ట్యా ఏప్రిల్‌ 1 నుంచి 28 వరకూ విజయవాడ-విశాఖల మధ్య సామర్లకోట మీదుగా రాకపోకలు సాగించే పలు రైళ్లను తాత్కాలికంగా రద్దు చేసినట్లు, మరికొన్ని రైళ్లను దారి మళ్లించినట్లు చెప్పారు. గుంటూరు-విశాఖ (22701)ల మధ్య నడిచే ఎక్స్‌ప్రెస్, 22702నంబరు గల విశాఖ-గుంటూ రుల మధ్య, 17219 నంబరు గల మచిలీపట్నం-విశాఖల మధ్య రాకపోకలు సాగించే ఎక్స్‌ప్రెస్‌లను ఏప్రిల్‌ 1 నుంచి ఏప్రిల్‌ 28 వరకూ రద్దు చేశారు. 17220 నంబరు గల విశాఖ-మచిలీపట్నంల మధ్య నడిచే రైలు ఏప్రిల్‌ 2 నుంచి ఏప్రిల్‌ 29 వరకూ రద్దు చేశారు.

ధన్‌బాద్‌-అలపూజ మధ్య నడిచే బొకారో ఎక్స్‌ప్రెస్‌ (13351) రైలు ఏప్రిల్‌ 1 నుంచి 28వరకూ నిడదవోలు, భీమవరం, గుడివాడల మీదుగా విజయవాడ చేరుతుంది. హతియా-బెంగుళూరు (12835)ల మధ్య రాకపోకలు సాగించే ఎక్స్‌ప్రెస్‌ రైలు ఏప్రిల్‌ 2, 7, 9, 14, 16, 21, 23, 28 తేదీలలో నిడదవోలు, భీమవరం, గుడివాడల మీదుగా విజయవాడ చేరుతుంది. 18637 నంబరు గల హతియా-బెంగుళూరుల మధ్య రాకపోకలు సాగించే ఎక్స్‌ప్రెస్‌ రైలు ఏప్రిల్‌ 6, 13, 20, 27 తేదీలలో నిడదవోలు, భీమవరం, గుడివాడల మీదుగా విజయవాడకు చేరుతుంది. హటియా-ఎర్నాకుళం (22837) ఎక్స్‌ప్రెస్‌ రైలు ఏప్రిల్‌ 1, 8, 15, 22 తేదీలలో నిడదవోలు, భీమవరం, గుడివాడల మీదుగా విజయవాడకు వస్తుంది.

టాటా-యశ్వంత్‌పూర్‌ (18111) ఎక్స్‌ప్రెస్‌ రైలు ఏప్రిల్‌ 4, 11, 18, 25 తేదీలలో నిడదవోలు, భీమవరం, గుడివాడల మీదుగా విజయవాడకు చేరుతుంది. జాసిడ్‌-తాంబరమ్‌ (12376) ఎక్స్‌ప్రెస్‌ రైలు ఏప్రిల్‌ 3, 10, 17, 24 తేదీలలో నిడదవోలు, భీమవరం, గుడివాడల మీదుగా విజయవాడకు వెళుతుంది. బెంగుళూరు-గౌహతి ఎక్స్‌ప్రెస్‌ (12509) రైలు ఏప్రిల్‌ 3, 5, 10, 12, 17, 19, 24, 26 తేదీలలో విజయవాడ, గుడివాడ, భీమవరం టౌన్‌ల మీదుగా నిడదవోలు చేరుతుంది. ముంబై- భువనేశ్వర్‌ కోణార్క్ ఎక్స్‌ప్రెస్‌ (11019) ఏప్రిల్‌ 1, 3, 5, 6, 8, 10, 12, 13, 15, 17, 19, 20, 22, 24, 26, 27 తేదీలలో విజయవాడ,గుడివాడ, భీమవరం టౌన్‌ల మీదుగా నిడదవోలు వస్తుంది.

టాటా-ఎస్‌ఎంవీ బెంగుళూరు ఎక్స్‌ప్రెస్‌ (12889) రైలు ఏప్రిల్‌ 5, 12, 19, 26 తేదీలలో నిడదవోలు, భీమవరం, గుడివాడల మీదుగా విజయవాడకు చేరుతుంది. ఎర్నాకుళం-పాట్నా ఎక్స్‌ప్రెస్‌ (22643) రైలు ఏప్రిల్‌ 12, 8, 15, 22 తేదీలలో విజయవాడ, గుడివాడ, భీమవరంల మీదుగా నిడదవోలు వస్తుంది. భావనగర్‌-కాకినాడ పోర్టు ఎక్స్‌ప్రెస్‌ (12756) రైలు ఏప్రిల్‌ 6, 13, 20, 27 తేదీలలో విజయవాడ, గుడివాడ, భీమవరంల మీదుగా నిడదవోలు చేరుతుంది. మరిన్ని వివరాలకు సమీపంలో గల రైల్వే స్టేషన్‌ బుకింగ్‌ కార్యాలయ సిబ్బంది ద్వారా సమాచారాన్ని తెలుసుకోవచ్చన్నారు అధికారులు.