ట్రెండింగ్
పద్మావతి ఎక్స్‌ప్రెస్‌ రైలులో పొగలు.. తప్పిన ప్రమాదం
Andhra Pradesh Telugu | Suryaa Desk | Published : Sat, Mar 30, 2024, 11:11 AM
సికింద్రాబాద్-తిరుపతి పద్మావతి ఎక్స్‌ప్రెస్‌ రైలుకు ఘోర ప్రమాదం తప్పింది. కాజీపేట రైల్వే స్టేషన్ సమీపంలో పద్మావతి ఎక్స్‌ప్రెస్‌ రైలులో ఒక్కసారిగా పొగలు చెలరేగాయి. బీ4 బోగీలోని బ్యాటరీలో క్యాప్ లీక్ కావడంతో పొగలు వస్తున్నట్లు రైలు సిబ్బంది గుర్తించారు. వెంటనే అలర్ట్ అయిన టెక్నికల్ సిబ్బంది, రైల్వే అధికారులు మరమ్మత్తు పనులు చేపట్టారు.
ఈ క్రమంలో అక్కడే రైలును 2గంటలపాటు నిలిపివేశారు. దీంతో రైలును నెమ్మదిగా కాజీపేట వరకు తీసుకువచ్చారు. బ్యాటరీ క్యాప్ లీక్ అవ్వడంతో పొగలు వ్యాపించినట్లు గుర్తించారు. అనంతరం కాజీపేట నుంచి రాత్రి 10గంటలకు తిరుపతి బయలుదేరి వెళ్లింది. ప్రయాణికులు పొగలు గమనించిన సమాచారం అందివ్వడంతో పెను ప్రమాదం తప్పిందని అధికారులు తెలిపారు.
|
|