నా సత్తా మీకు తెలియట్లే.. 7 రోజులు టైమ్ ఇస్తున్నా.. కే.ఏ.పాల్ వార్నింగ్
Andhra Pradesh Telugu | Suryaa Desk | Published : Sat, Mar 30, 2024, 07:49 PM
వైసీపీ నేతలకు ప్రజాశాంతి పార్టీ అధ్యక్షుడు కే.ఏ పాల్ గడువు ఇచ్చారు. వైసీపీ లీడర్స్‌కు నా సత్తా ఏంటో తెలియడం లేదన్న కే. ఏ. పాల్ వారికి వారం రోజులు టైమ్ ఇస్తున్నానని చెప్పారు. శనివారం విశాఖపట్నంలోని సీబీసీఏఎన్‌సీ క్రైస్తవ భూములను కేఏ పాల్, బాబూమోహన్ సందర్శించారు. అక్కడే ప్రత్యేక ప్రార్థనలు చేశారు. అనంతరం మాట్లాడిన కేఏ పాల్.. విశాఖపట్నంలోని విలువైన భూములను వైసీపీ నేతలు కబ్జా చేశారని ఆరోపించారు. సీబీసీఎన్సీ భూములు వందల కోట్ల విలువ చేస్తాయన్న కేఏ పాల్.. ఈ భూముులను వైజాగ్ ఎంపీ ఎంవీవీ సత్యనారాయణ కబ్జా చేశారని ఆరోపించారు. ఎంవీవీ వెంటనే మనసు మార్చుకుని ఈ భూములను
మరోవైపు వైసీపీ నేతలు వారం రోజుల్లోగా భూములను వెనక్కి ఇచ్చేయాలని కేఏ పాల్ సూచించారు. లేకుంటే న్యాయ పోరాటం చేస్తానని స్పష్టం చేశారు. ప్రధాని మోదీ, అమిత్ షాల మీదే కేసులు వేసి గెలిచానని.. భూములను వెనక్కి ఇవ్వకపోతే స్థానిక వైసీపీ లీడర్ల మీద కూడా న్యాయపోరాటం చేస్తానన్నారు కేఏ పాల్. ఇక తెలంగాణ ఎన్నికలపైనా కేఏ పాల్ స్పందించారు. ప్రజాశాంతి పార్టీ తరుఫున వరంగల్ ఎంపీ అభ్యర్థిగా బాబూమోహన్ పోటీ చేస్తారని ప్రకటించగానే.. బీఆర్ఎస్ నేతలకు వణుకుపుడుతోందన్నారు. అందుకే లేనిపోని వార్తలు ప్రచారం చేస్తున్నారని మండిపడ్డారు. వచ్చే ఎన్నికల్లో ప్రజాశాంతి పార్టీని గెలిపిస్తే ఉచిత వైద్యం, విద్య అందుబాటులోకి తెస్తామని కేఏ పాల్ హామీ ఇచ్చారు. వైసీపీ, టీడీపీ రెండూ అవినీతిలో కూరుకుపోయాయని.. అవినీతి రహిత పాలన అందించే ప్రజాశాంతి పార్టీకి ఓటువేయాలని పాల్ ఓటర్లను కోరారు.
|
|