యువత కోసం ప్రత్యేక శ్రద్ధ తీసుకుంటాను
Andhra Pradesh Telugu | Suryaa Desk | Published : Sat, May 11, 2024, 10:03 AM
గాజువాక యువత భవిష్యత్తు బాధ్యత తనది అని స్థానిక యువతకు ఉద్యోగ ఉపాధి అవకాశాలు కల్పించడమే లక్ష్యంగా పనిచేస్తానని రాష్ట్ర పరిశ్రమల శాఖ మంత్రి గాజువాక అసెంబ్లీ నియోజకవర్గ వైయస్ఆర్ కాంగ్రెస్ పార్టీ అభ్యర్థి గుడివాడ అమర్నాథ్ హామీ ఇచ్చారు. ఇందుకోసం తాను ఇటీవల విడుదల చేసిన మేనిఫెస్టోలో 'విజయవారధి' పేరుతో యువత కోసం ప్రత్యేక కార్యక్రమాలు చేపడతామని అమర్నాథ్ తెలియజేశారు.స్థానిక గ్రీన్ సిటీ ఫంక్షన్ హాల్ లో 'గాజువాక రైజింగ్' పేరుతో గాజువాక యూత్ ఇంట్రాక్షన్ కార్యక్రమాన్ని అమర్నాథ్ నిర్వహించారు. ఈ సందర్భంగా ఆయన మాట్లాడుతూ గడిచిన ఐదేళ్లలో ప్రతిపక్షాలు వైయస్ జగన్ మోహన్ రెడ్డి ప్రభుత్వం పై విభసెలు ఆరోపణలు చేస్తూ వచ్చారని, అయితే చంద్రబాబు నాయుడు ప్రభుత్వంలో జరిగిన అభివృద్ధికి వైయస్ జగన్ మోహన్ రెడ్డి ప్రభుత్వంలో జరిగిన అభివృద్ధికి తేడా చూడాలని విజ్ఞప్తి చేశారు.
|
|