ఓటరు చెంప చెల్లుమనిపించిన వైసీపీ ఎమ్మెల్యే.. రివర్స్లో అదే రేంజ్లో చెంప దెబ్బ
Andhra Pradesh Telugu | Suryaa Desk | Published : Mon, May 13, 2024, 05:39 PM
ఆంధ్రప్రదేశ్ ఎన్నికల పోలింగ్ కొనసాగుతోంది.. అక్కడక్కడా చిన్న, చిన్న గొడవలు జరుగుతున్నాయి. గుంటూరు జిల్లా తెనాలిలో ఓ ఓటరు వైఎస్సార్సీపీ అభ్యర్థి అన్నాబత్తుని శివకుమార్ చెంప చెళ్లుమనిపించారు. వైఎస్సార్సీపీ అభ్యర్థి అన్నాబత్తుని శివకుమార్ క్యూలైన్లో నిలబడకుండా.. ఓటేసేందుకు నేరుగా పోలింగ్ బూత్లోకి వెళ్లడానికి ప్రయత్నించారు. వెంటనే గమనించి ఓ ఓటరు క్యూ లైన్లో నిల్చొని ఓటు వేయాలని అభ్యంతరం వ్యక్తం చేశారు.
దీంతో సహనం కోల్పోయిన శివకుమార్.. ఆవేశంతో ఊగిపోయారు. తనను ప్రశ్నించిన ఓటరు చెంప చెళ్లుమనిపించారు. వెంటనే ప్రతిఘటించిన ఓటరు.. శివకుమార్ చెంపపై కొట్టారు. ఆ వెంటనే శివకుమార్ అనుచరులు ఓటరుపై విచక్షణారహితంగా దాడి చేశారు. దీంతో అతడికి స్వల్పంగా గాయాలు అయ్యాయి. ఈ ఘటనతో కొద్దిసేపు అక్కడ ఉద్రిక్త వాతావరణం కనిపించింది.. పోలీసులు వెంటనే అక్కడికి చేరుకుని పరిస్థితి సద్దుమణిగేలా చేశారు.
ఇదిలా ఉంటే ఈ ఘటనపై వాదన మరోలా ఉంది.. శివకుమార్ పోలింగ్ బూత్లో ఓటర్లు ఇబ్బంది పెడుతున్నారని తెలిసి అక్కడికి వెళ్లారని.. ఈ విషయం తెలియకుండా టీడీపీకి చెందినవాళ్లు అడ్డుకునే ప్రయత్నం చేశారని చెబుతున్నారు. అయితే, ఎమ్మెల్యే శివకుమార్.. ఓటేసేందుకు వచ్చారా? పోలింగ్ సరళి పరిశీలించేందుకు వచ్చారా తెలియాల్సి ఉంది. అయితే ఈ ఘటనకు సంబంధించిన పూర్తి వివరాలు తెలియాల్సి ఉంది.
|
|