పిన్నెల్లిని అరెస్ట్ చేస్తారా..?
Andhra Pradesh Telugu | Suryaa Desk | Published : Wed, May 22, 2024, 01:18 PM
మాచర్ల ఎమ్మెల్యే పిన్నెల్లి రామకృష్ణా రెడ్డిని అరెస్ట్ చేస్తారా? పోలీసులు ఆయన కోసం వెతుకుతున్నారా? పరిస్థితి చూస్తుంటే పిన్నెల్లి అరెస్ట్ తప్పేలా లేదు. ఆయన అరెస్ట్‌కు రంగం సిద్ధమైనట్లు పరిస్థితి కనిపిస్తోంది. పిన్నెల్లి సోదరులను అరెస్ట్ చేసేందుకు పోలీసులు సిద్ధమయ్యారు. పోలింగ్ కేంద్రంలో ఈవీఎంను ధ్వంసం చేయడంపై తీవ్ర ఆగ్రహం వ్యక్తం చేసిన ఎన్నికల సంఘం.. వారిపై చర్యలు తీసుకోవాల్సిందిగా ఆదేశించింది. దీంతో పోలీసులు పరుగులు తీస్తున్నారు. వీరి అరెస్ట్ కోసం ప్రత్యేక బృందాలను సైతం ఏర్పాటు చేసినట్లు సమాచారం. అయితే, ఈ ప్రత్యేక బృందాల కదలికలపై కొందరు పిన్నెల్లి బ్రదర్స్‌కు ఇప్పటికీ సమాచారం ఇస్తున్నట్లు తెలుస్తోంది. మరోవైపు పిన్నెల్లి రామకృష్ణా రెడ్డిని అరెస్ట్ చేసేందుకు ప్రత్యేక పోలీస్ బృందం హైదరాబాద్ చేరుకున్నట్లు సమాచారం. పూర్తీ సమాచారం తెలియాల్సిఉంది.
|
|