ట్రెండింగ్
విశాఖ‌లో భారీగా బెట్టింగ్‌లు
Andhra Pradesh Telugu | Suryaa Desk | Published : Mon, May 27, 2024, 12:34 PM
ఎన్నిక‌ల కౌంటింగ్‌కు కౌంట్‌డౌన్ మొద‌లైంది. ఇంకా 8 రోజుల్లో ఈ రాష్ట్రాన్ని ఏలే పార్టీ ఏదో తెలిసిపోతుంది. నిన్న‌టి వ‌ర‌కు ఐపీఎల్ బెట్టింగ్‌లు న‌డ‌వ‌గా. ప్ర‌స్తుతం పొలిటిక‌ల్ బెట్టింగ్‌లు జోరుగా సాగుతున్నాయి. కోట్ల‌లో ఈ బెట్టింగ్‌లు సాగుతున్న‌ట్టు ఓ అంచ‌నా. ముఖ్యంగా వైసీపీ గెలుస్తుందని ఓ వ‌ర్గం. టీడీపీ గెలుస్తుందని మ‌రో వ‌ర్గం భారీగా బెట్టింగ్‌ల‌కు పాల్ప‌డుతోంది. ఇదిలావుండ‌గా ఈ నెల 8, 9 తేదీల్లో సీఎంగా జ‌గ‌న్ విశాఖ‌లోనే ప్ర‌మాణ స్వీకారం చేస్తార‌ని వైసీపీ నేత‌లు కుండ‌బ‌ద్ద‌లుకొట్టి మ‌రీ చెబుతున్నారు. దీంతో బెట్టింగ్ రాయుళ్లు మ‌రింత పండ‌గ చేసుకుంటున్నారు. దాదాపు 100 కోట్ల‌కు పైగానే బెట్టింగ్ జ‌రుగుతున్న‌ట్టు తెలుస్తోంది. విశాఖ తూర్పు, గాజువాక, భీమిలి, విశాఖ ద‌క్షిణం, పెందుర్తిలో భారీగా బెట్టింగ్‌లు జ‌రుగుతున్నాయి.
|
|