విమానంలోనే ఎయిర్‌హోస్టెస్ పాడుపని.. దాన్ని అక్కడ ఎలా దాచిందో

విదేశాల నుంచి నిషేధిత వస్తువులను విమానాల్లో తీసుకువస్తూ.. మన దేశంలోని వివిధ ఎయిర్‌పోర్టుల్లో కస్టమ్స్ అధికారులకు దొరికిపోయిన ప్రయాణికులను మనం చాలా మందిని చూస్తూ ఉంటాం. బంగారం, విలువైన వస్తువులు, ఐఫోన్లు, ల్యాప్‌టాప్‌లు.. ఇలా అక్రమంగా తీసుకువచ్చి.. అధికారుల తనిఖీల్లో దొరికిపోయిన వారు చాలా మందే ఉంటారు. ఈ క్రమంలోనే విదేశాల్లో తక్కువ ధరకు బంగారం తీసుకువస్తూ అధికారులకు దొరక్కుండా కొందరు ప్రయాణికులు రకరకాలుగా దాచిపెడుతూ ఉంటారు. అయితే ఈ ఘటనలో ప్రయాణికులు కాకుండా ఏకంగా ఓ ఎయిర్‌హోస్టెస్ ఇలా బంగారం తీసుకువస్తూ కస్టమ్స్ అధికారులకు దొరికిపోయింది. ఈ సంఘటన కేరళలో చోటు చేసుకుంది.

కేరళలోని కన్నూర్ ఎయిర్‌పోర్టుకు మస్కట్ నుంచి ఈ నెల 28 వ తేదీన ఓ విమానం వచ్చింది. అయితే ఆ విమానం నుంచి దిగిన సురభి ఖాతూన్‌ అనే ఓ ఎయిర్‌హోస్టెస్‌ ప్రవర్తన ఎయిర్‌పోర్టులోని డైరెక్టరేట్ ఆఫ్ రెవెన్యూ ఇంటెలిజెన్స్ అధికారులకు అనుమానం కలిగించింది. దీంతో ఆమెను ఆపి తనిఖీలు నిర్వహించారు. ఈ తనిఖీల్లో వారికి విస్తుపోయే వాస్తవాలు వెల్లడయ్యాయి. ఆ ఎయిర్‌హోస్టెస్.. తన మలద్వారంలో బంగారం దాచి తీసుకువచ్చినట్లు గుర్తించారు. అయితే ఆ బంగారం బరువు దాదాపు కిలో ఉండటంతో అది చూసిన అధికారులు అవాక్కయ్యారు.

 అయితే మస్కట్‌ నుంచి వస్తున్న విమానంలో బంగారం స్మగ్లింగ్‌ చేస్తున్నట్లు డీఆర్‌ఐ అధికారులకు నిఘా వర్గాల నుంచి ముందే సమాచారం అందింది. అయితే ముందుగా ప్రయాణికులను చెక్ చేసిన అధికారులు.. ఆ తర్వాత ఎయిర్‌హోస్టెస్‌గా ఉన్న సురభి ఖాతూన్‌ను క్షుణ్ణంగా తనిఖీ చేయగా.. అసలు విషయం బయటపడింది. సురభి ఖాతూన్‌ మలద్వారం నుంచి ఏకంగా 960 గ్రాముల బంగారాన్ని గుర్తించిన అధికారులు.. ఆ బంగారాన్ని స్వాధీనం చేసుకున్నారు. అనంతరం ఆమెను అదుపులోకి తీసుకుని కోర్టులో హాజరుపరచగా.. కోర్టు సురభి ఖాతూన్‌కు 14 రోజుల కస్టడీ విధించింది. దీంతో ఆమెను కన్నూర్‌ మహిళా జైలుకు తరలించారు. అయితే ఎయిర్‌లైన్స్‌ సిబ్బంది ఇలా రహస్య భాగాల్లో బంగారాన్ని దాచి స్మగ్లింగ్‌ చేయడం దేశంలో ఇదే తొలిసారి అని డీఆర్‌ఐ అధికారులు వెల్లడించారు.