ట్రెండింగ్
తొలిసారిగా అసెంబ్లీలో అడుగుపెట్టిన జనసేనాని.. ఎమ్మెల్యేగా పవన్ ప్రమాణం
Andhra Pradesh Telugu | Suryaa Desk | Published : Fri, Jun 21, 2024, 07:30 PM
జనసేన అధినేత, డిప్యూటీ సీఎం పవన్ కళ్యాణ్.. ఎమ్మె్ల్యేగా ప్రమాణం చేశారు. ఏపీ అసెంబ్లీ సమావేశాలు శుక్రవారం ప్రారంభం కాగా.. ప్రొటెం స్పీకర్ గోరంట్ల బుచ్చయ్య చౌదరి.. సభ్యులతో ప్రమాణం చేయించారు. తొలుత సీఎం చంద్రబాబు నాయుడు ఎమ్మెల్యేగా ప్రమాణం చేయగా.. ఆయన తర్వాత డిప్యూటీ సీఎం పవన్ కళ్యాణ్ ప్రమాణం చేశారు. ఆ తర్వాత మిగతా సభ్యులతో ప్రొటెం స్పీకర్ ప్రమాణం చేయించారు. పవన్ కళ్యాణ్ ఎమ్మెల్యేగా గెలుపొందడం ఇదే తొలిసారి. 2019 ఎన్నికల్లో పోటీ చేసిన రెండు చోట్లా ఓడిపోయిన పవన్ కళ్యాణ్.. ఈసారి పిఠాపురం నుంచి బరిలోకి దిగి భారీ మెజారిటీతో గెలుపొందారు. పిఠాపురం వైసీపీ అభ్యర్థి వంగా గీత మీద ఏకంగా 70 వేలకుపైగా ఓట్ల తేడాతో విజయం సాధించారు. ఆ తర్వాత టీడీపీ కూటమి ప్రభుత్వంలో డిప్యూటీ సీఎంగా బాధ్యతలు స్వీకరించారు.
|
|