ట్రెండింగ్
కొలనుకొండ హరేకృష్ణ గోకుల క్షేత్రాన్ని సందర్శించిన చంద్రబాబు
Andhra Pradesh Telugu | Suryaa Desk | Published : Sat, Jul 13, 2024, 08:30 PM
ఆంధ్రప్రదేశ్ ముఖ్యమంత్రి నారా చంద్రబాబు నాయుడు శనివారం గుంటూరు జిల్లాలోని కొలనుకొండ హరేకృష్ణ గోకుల క్షేత్రాన్ని సందర్శించారు. ఆలయానికి వచ్చిన ముఖ్యమంత్రికి ఆలయ నిర్వాహకులు, అర్చకులు ఘన స్వాగతం పలికారు. పూర్ణకుంభంతో చంద్రబాబుకు సాదర స్వాగతం పలికారు. అనంతరం ఆలయంలో ప్రత్యేక పూజలు చేసిన చంద్రబాబు నాయుడు.. గర్భాలయంలో అనంతశేష స్థాపన కార్యక్రమంలో పాల్గొన్నారు. ముఖ్యమంత్రి చంద్రబాబుతో పాటుగా సుప్రీంకోర్టు మాజీ ప్రధాన న్యాయమూర్తి జస్టిస్ ఎన్.వి.రమణ, అక్షయపాత్ర అంతర్జాతీయ అధ్యక్షులు మధుపండిత్, మంత్రులు నారాయణ, సవిత, ఎంపీ లావు శ్రీకృష్ణదేవరాయలు ఈ కార్యక్రమంలో పాల్గొన్నారు.
|
|