నరసాపురం ఎంపీడీవో మిస్సింగ్ మిస్టరీ.. 'పుట్టిన రోజే చనిపోయే రోజు' అంటూ మెసేజ్‌

నరసాపురం నుంచి కానూరుకు వచ్చారు.. అయితే ఈ నెల 15న మచిలీపట్నంలో పని ఉందంటూ కుటుంబ సభ్యులకు చెప్పి వెళ్లారు. అదే రోజు రాత్రి కుటుంబ సభ్యులకు కాల్ చేసి.. తాను మచిలీపట్నంలోనే ఉన్నానని.. ఇంటికి రావడానికి ఆలస్యమవుతుందని చెప్పారు. ఆ తర్వాత నుంచి వెంకటరమణారావు ఆచూకీ దొరకలేదు.. మొబైల్ కూడా పనిచేయకపోవడంతో అనుమానం వచ్చింది. అర్ధరాత్రి దాటిన తర్వాత భార్యకు ఓ మెసేజ్ పంపారు.. ‘నా పుట్టిన రోజైన 16వ తేదీయే.. నేను చనిపోయే రోజు కూడా. అందరూ జాగ్రత్త’ అని మెసేజ్‌‌లో ఉంది. కుటుంబ సభ్యులు ఆందోళనలతో మంగళవారం ఉదయం పెనమలూరు పోలీసులకు ఫిర్యాదు చేశారు.

పెనమలూరు పోలీసులు రంగంలోకి దిగి ఆరా తీస్తే.. ఆయన వాహనం మచిలీపట్నం రైల్వే స్టేషన్‌ దగ్గర గుర్తించారు. పోలీసులు వెంకటరమణరావు కోసం విజయవాడ, మచిలీపట్నంలో గాలిస్తున్నారు. ఆయన మొబైల్ సిగ్నల్స్ చివరిగా ఏలూరు దగ్గర కాలువ సమీపంలో ఆగిపోయినట్లు గుర్తించారు. దీంతో ఆయన ఆత్మహత్య చేసుకున్నారనే అనుమానాలు మొదలయ్యాయి. వెంకటరమణారావు మిస్సింగ్ మిస్టీరీగా మారింది.. అయితే ఫెర్రీ రేవు పాటదారు విషయంలో కొద్దిరోజులుగా ఒత్తిడి పెరగడంతోనే ఆయన ఇలా చేసి ఉంటారే అనుమానాలు వ్యక్తమవుతున్నాయి.

వెంకటరమణారావు మిస్సింగ్ తర్వాత మరో ప్రచారం కూడా జరుగుతోంది. ఆయన డిప్యూటీ సీఎం పవన్ కళ్యాణ్‌ను ప్రస్తావిస్తూ ఓ సూసైడ్ నోట్ రాసినట్లు ప్రచారం నడుస్తోంది. ఆ నోట్‌‌లో కొందరు రాజకీయ నేతలపై ఆరోపణలు చేసినట్లు సమాచారం. కొందరు నేతలు ఫెర్రీకి చెందిన బోట్ల విషయంలో భారీగా డబ్బులు చెల్లించాల్సి ఉందని.. ఆ డబ్బులు కట్టకుండా బెదిరించినట్లు.. ఆ ఒత్తిడి భరించలేకపోతున్నట్లు ఆ నోట్‌లో రాశారని చెబుతున్నారు. తాను 33 ఏళ్ల సర్వీసులో నిజాయితీగా పనిచేశానని.. ఇలాంటి పరిస్థితులు ఎదురవుతాయని అనుకోలేదంటూ ఆవేదన వ్యక్తం చేశారట. అయితే ఈ సూసైడ్ నోట్ గురించి పోలీసులు క్లారిటీ ఇవ్వాల్సి ఉంది.